មុនល្បីឈ្មោះ តារាស្រី Kwan Usamanee ចាប់អាជីពមួយនេះតាំងពីអាយុ ៣ ឆ្នាំ

មិនថាចំពោះតែនៅស្រុកខ្មែរ ឬនៅបរទេសទេ អ្នកខ្លះកើតមកមានដុងសិល្បៈតាំងពីក្មេង ធំដឹងក្ដីមិនទាន់ ចូលធ្វើជាម៉ូដែល តារាចម្រៀង ឬសម្ដែងតាមការស្រឡាញ់រៀងៗខ្លួន ។

ជាក់ស្ដែង តារាសម្ដែងស្រីថៃនាង Kwan Usamanee បានក្លាយជាម៉ូដែលតាំងពីនាងទើបតែមានអាយុ ៣ ឆ្នាំ ។ ដោយសារមានទេពកោសល្យផ្នែកសិល្បៈស្រាប់ Kwan ត្រូវបានផ្ដល់ឱកាសឱ្យសម្ដែងខ្សែភាពយន្តលើកដំបូងគឺរឿង «Por Ja Mae Ka Look Ruk» ដោយមានការគាំទ្រច្រើនផុសផុលគួរឱ្យកត់សម្គាល់ពីមហាជន ហើយចាប់តាំងពីពេលនោះមក តារាស្រីខាងលើក៏ចាប់ផ្ដើមមានឈ្មោះល្បីបន្តិចម្ដងៗ ។

រហូតមកដល់បច្ចុប្បន្ន តារាថៃវ័យ ៣៣ ឆ្នាំរូបនេះ នៅតែប្រឡូកក្នុងអាជីពសិល្បៈយ៉ាងសកម្មដដែល លើសពីនេះនាងក៏នៅតែរក្សាបានតំណែងតួឯកដូចកាលពីប៉ុន្មានឆ្នាំមុនអ៊ីចឹង ។

សមប្រកបរឿងការងារ ប៉ុន្ដែជីវិតស្នេហារបស់ Kwan ហាក់មិនសូវរលូនសោះ ដោយសង្សាររបស់នាង ទាក់ទងគ្នាមិនបានប៉ុន្មានក៏បែកគ្នាអស់ បើមិនដោយសារអ្នកផ្ទះមិនពេញចិត្ត ក៏បែកគ្នាព្រោះមិនចុះសម្រុងដែរ ៕