មួយឈុតនេះ អ្នកគាំទ្រសរសើរ កែវ ចាន់និមល ឃ្យូតដូចកូនក្មេង!
សម្រាប់រដូវកាលទីពីរនេះពិធីការិនី កែវ ចាន់និមល នៅតែក្តោបបានតំណែងជាពិធីការិនីប្រចាំកម្មវិធី I Am Singer Cambodia ដោយចាប់ដៃគូជាមួយបុរសសង្ហា សុខ រ៉ាស៊ី ។ អ្វីដែលកត់សម្គាល់លេចមុខនៅក្នុងសប្តាហ៍ដំបូង កែវ ចាន់និមល បានធ្វើឱ្យអ្នកគាំទ្រចាប់អារម្មណ៍ និង ភ្ញាក់ផ្អើលចំពោះការលេងស្ទីលរបស់ពិធីការិនីរូបនេះ ។
ចុងក្រោយនេះគេសម្គាល់ឃើញពិធីការិនី កែវ ចាន់និមល កាន់តែបង្កើនស្ទីលនៃការតែងខ្លួន ជាពិសេសសម្លៀកបំពាក់នៅក្នុងកម្មវិធីនីមួយៗមើលទៅពិតជាលេចធ្លោនិង ទាក់ទាញជាខ្លាំង ។ យ៉ាងណាមិញនៅក្នុងកម្មវិធីប្រឡងចម្រៀង I Am Singer Cambodia រដូវកាលទីពីរកាលពីថ្ងៃទី ០៥ កន្លងទៅនេះ ក្នុងឈុតរ៉ូបខ្លីត្រឹមក្បាលជង្គង់ប៉ោងៗបែបយុវវ័យ មើលទៅពិតជាស័ក្តិសមជាមួយនឹងរូបរាងតូចស្រឡូនរបស់ កែវ ចាន់និមល ជាខ្លាំង ។ មានការលាន់មាត់សរសើរស្ទើរគ្រប់គ្នាពីសំណាក់អ្នកគាំទ្រថា មួយឈុតនេះ កែវ ចាន់និមល ពិតជាគួរឱ្យស្រឡាញ់ស្ទើរមិនដឹងថានាងមានកូននោះទេ ។ ខ្លះថាចុងក្រោយនេះសម្រស់ កែវ ចាន់និមល ទាក់ទាញស្អាតប្លែកតែម្តង ។
ដោយសារតែទទួលបានការគាំទ្រពីសំណាក់មហាជនជាច្រើនបានធ្វើឱ្យ កែវ ចាន់និមល លេចមុខលេចមាត់នៅក្នុងទូរទស្សន៍ហង្សមាសជាខ្លាំង ។ យ៉ាងណាមិញ កែវ ចាន់និមល នៅតែក្តោបបានតំណែងជាពិធីការិនីនៅក្នុងកម្មវិធីធំៗរបស់ស្ថានីយទូរទស្សន៍មួយនេះ ៕
