អ្នកគាំទ្រអន្ទះសាចង់ឱ្យ Girl Generation វិលត្រលប់ជាថ្មី ក្រោយឃើញរូបភាពជុំគ្នាក្នុងខួបបង្កើតក្រុម ១៣ ឆ្នាំ (វីដេអូ)
ទោះបីជាមិនទាន់បានវិលត្រលប់ក្នុងការចាប់ដៃគ្នាជាក្រុមសាជាថ្មីក៏ពិតមែន ប៉ុន្តែសមាជិកទាំង ៨ រូបរបស់ «Girl Generation» តែងតែជួបជុំគ្នាក្នុងការរៀបចំកម្មវិធីខួបរំឭកនៃការបង្កើតក្រុមនារីដ៏ល្បីល្បាញនេះជារៀងរាល់ឆ្នាំ នៅក្នុងថ្ងៃទី ៥ ខែសីហានេះ ។
នៅក្នុងឆ្នាំនេះដែរ ទោះបីជា Idol ទាំង ៨ រូបនេះ មិនបានរៀបចំកម្មវិធីជួបជុំអ្នកគាំទ្រដូចឆ្នាំមុនៗ ព្រោះតែការរាតត្បាតកូវីដ ១៩ ក៏ពិតមែន ប៉ុន្តែខួបគម្រប់លើកទី ១៣ ក្នុងឆ្នាំ ២០២០ នេះ ក្រុមនារី «Girl Generation» បានផ្ញើក្តីនឹករឭកជាច្រើនដល់អ្នកគាំទ្រតាមរយៈការផ្ញើសារ និង វីដេអូនៅក្នុងគណនី Instagram របស់ពួកគេផងដែរ ។
រូបភាពជាច្រើនសន្លឹក និង វីដេអូនៃការជួបជុំជាមួយស្នាមញញឹមដ៏រីករាយរបស់នារីស្រស់ស្អាតទាំង ៨ រូបរបស់ «Girl Generation» បានធ្វើឲ្យអ្នកគាំទ្រមានអារម្មណ៍ថារំភើបទោះបីជាពួកគេមិនទាន់បានរួមក្រុមមកបង្ហាញនូវបទចម្រៀងថ្មីក៏ដោយ ហើយក្នុងនោះក៏មានអ្នកគាំទ្រជាច្រើនអន្ទះសាចង់ឃើញការវិលត្រលប់មកលើឆាកតន្ត្រីរួមគ្នាសាជាថ្មីម្តងទៀតរបស់ក្រុមនេះផងដែរ ៕
View this post on Instagram
