ស៊ឹម សូលីកា ទិញឡានទំនើបម៉ាក Jeep ដាក់ស្លាកលេខឈ្មោះកប់សារី ផ្គាប់ចិតុ្តកូនស្រីឡើងឡូយ
មានការចាប់អារម្មណ៍ជាខ្លាំងដោយថ្មីៗនេះពិធីការិនីប្រចាំស្ថានីយទូរទស្សន៍បាយ័ន ស៊ឹម សូលីកា បានកាដូរថយន្តទំនើបពណ៌ក្រហមស្រស់ម៉ាក Jeep ជាប្រភេទរថយន្ត Off Road ដែលតាមដឹងមានតម្លៃខ្ពស់មិនធម្មតា ហើយអ្វីដែលពិសេសនោះនាងបានយកឈ្មោះកូនស្រីជាស្លាកលេខថែមទៀត ។
មិនមែនជារឿងចម្លែកទេ ព្រោះមិនថាមជ្ឈដ្ឋានក្នុង និង ក្រៅសិល្បៈសុទ្ធតែដឹងថា ស៊ឹម សូលីកា មានជីវភាពរស់នៅហ៊ឺហាជាខ្លាំង ដែលជារឿយៗនាងតែង Surprise កាដូពិសេសៗ និង មានតម្លៃថ្លៃៗសម្រាប់សមាជិកក្នុងគ្រួសារ ជាពិសេសស្វាមី និង កូនស្រី ។ យ៉ាងណាមិញមួយរយៈមុននាងទើបតែទិញនាឡិកាពេជ្រកាដូជូនស្វាមីមិនបានប៉ុន្មានផង ពេលនេះ ស៊ឹម សូលីកា បានកាដូរថយន្តទំនើបសម្រាប់កូនស្រីទោលរបស់នាង ធ្វើឱ្យមហាជនជាច្រើនបើកភ្នែកធំៗស្ទើរគ្រប់គ្នា ។ មិនត្រឹមជារថយន្ត Jeep ប្រភេទទំនើបដែលមានតម្លៃខ្ពស់ទេ ស៊ឹម សូលីកា បានក៏បានទិញស្លាកលេខជាឈ្មោះរបស់កូនស្រីគឺ S. Solina ទៀត ធ្វើឱ្យកាន់តែមានការសរសើរពី ជីវភាពបែបហាយសូររបស់ពិធីការិនីរូបនេះយ៉ាងខ្លាំង ទាំងក្នុងកំលុងពេលតារាជាច្រើនកំពុងត្អូញត្អែរពីការបាត់បង់ប្រាក់ចំណូល ។
ប៉ុន្មានឆ្នាំចុងក្រោយនេះគេសង្កេតឃើញ ស៊ឹម សូលីកា កាន់តែបើកចំហពីជីវិតឯកជនរបស់ខ្លួននៅក្នុងបណ្តាញសង្គមដោយមិនមានការលាក់លៀមនោះឡើយ នៅតែមានការសរសើរពីជីវិតរបស់ពិធីការិនីរូបនេះដែលកាន់តែមានសុភមង្គល ក្រោយនាងបានរៀបការជាមួយលោក អេង ឫទ្ធី តែយ៉ាងណាពេលនេះអ្នកទាំងពីរមិនទាន់មានកូនជាចំណងដៃនៅឡើយទេ ៕
