កូនកំលោះៗធំទន្ទឹមខ្លួន តែភរិយាតារាចម្រៀង ព្រាប សុវត្ថិ នៅតែក្រមិចក្រមើមគួរឱ្យក្នាញ់ (វីដេអូ)

មានវ័យច្រើន និង មានកូនកំលោះៗទៅហើយ តែភរិយាកំពូលតារាចម្រៀងល្បីលោក ព្រាប សុវត្ថិ នៅតែមានសម្រស់ស្អាត ជាពិសេសមានចរិតក្រមិចក្រមើមគួរឱ្យក្នាញ់ បន្ទាប់ពីគេឃើញអ្នកនាង និង ស្វាមីគឺលោក ព្រាប សុវត្ថិ នៅក្នុងវីដេអូ Tik Tok មួយ ។

ក្រៅពីមានឈ្មោះជាតារាចម្រៀងមានប្រជាប្រិយភាពខ្ពស់ លោក ព្រាប សុវត្ថិ ត្រូវបានគេចាត់ទុកជាតារាដែលមានជីវិតគ្រួសារសមប្រកប ដោយជារឿយៗគេតែងឃើញរូបភាពផ្អែមល្ហែមរបស់លោក និង ប្រពន្ធ មើលទៅល្អូកល្អើនមិនចាញ់គូស្នេហ៍ថ្មីថ្មោងប៉ុន្មានឡើយ បើទោះបីរៀបការជាង ១០ ឆ្នាំក៏ពិតមែន ។ អ្វីដែលចាប់អារម្មណ៍ថ្មីៗនេះ គេបានឃើញវីដេអូមួយដែលលោក ព្រាប សុវត្ថិ និង ភរិយាបានសម្តែងនៅក្នុង Tik Tok ឃើញថាមានភាពក្រមិចក្រមើមគួរឱ្យក្នាញ់ ជាពិសេសភរិយារបស់លោក ។

មានការសរសើរពីសំណាក់មហាជនជាច្រើនថា ទោះបីមានវ័យច្រើន និង មានកូនៗធំទៅហើយ តែភរិយារបស់លោក ព្រាប សុវត្ថិ នៅតែក្មេង និង គួរឱ្យស្រឡាញ់ ដែលទាំងនេះហើយជាមូលហេតុធ្វើឱ្យលោក ព្រាប សុវត្ថិ មិនដែលពើបប្រទះនូវរឿងអាស្រូវស្នេហាអ្វីឡើយបើទោះលោកសម្តែងស្និទ្ធស្នាលជាមួយតារាវ័យក្មេងៗក៏ដោយ ។ ចង់ដឹងថាវីដេអូ Tik Tok របស់ ព្រាប សុវត្ថិ និង ភរិយាមានកាយវិការបែបណា ទៅទស្សនាទាំងអស់គ្នា ៖