ភ្ញាក់ផ្អើលពេលឃើញលិខិតអញ្ជើញកម្មវិធីទទួលស្វាគមន៍តារាចម្រៀង ព្រាប សុវត្ថិ ទៅកាន់ក្រុមហ៊ុន Galaxy Navatra

មហាជនមានការភ្ញាក់ផ្ញើលយ៉ាងខ្លាំបន្ទាប់ពីបានឃើញលិខិតអញ្ជើញមួយបង្ហោះដោយលោក ហេង ឡុង ដែលក្នុងលិខិតអញ្ជើញនោះបានសរសេរថា ជាកម្មវិធីទទួលស្វាគមន៍កំពូលតារាចម្រៀង ព្រាប សុវត្ថិ ជាតារាចម្រៀងលំដាប់របស់ផលិតកម្មរស្មីហង្សមាសមកកាន់ក្រុមហ៊ុន Galaxy Navatra របស់លោកឧកញ៉ា ឡេង ណាវ៉ាត្រា ។

កម្មវិធីស្វាគមន៍នោះនឹងធ្វើឡើងនៅថ្ងៃទី ២៥ ខែសីហា នេះ នៅសណ្ឋាគារ Garden City ។ ទោះជាក្នុងលិខិតនោះបានសរសេរដូចខាងលើក្តី ប៉ុន្តែគេនៅមិនទាន់ដឹងច្បាស់ថា តារាចម្រៀង ព្រាប សុវត្ថិ នឹងទៅនោះក្នុងគោលបំណងណាមួយនៅឡើយទេ ។

ស្របពេលនេះ មហានជនមានការងឿងឆ្ងល់យ៉ាងខ្លាំង និង បានលើកឡើងយ៉ាងច្រើនទាក់ទងនឹងបញ្ហាដ៏ក្តៅគគុកនេះ ដោយខ្លះបានគិតថាទំនងជាលោក ព្រាប សុវត្ថិ អាចនឹងទៅក្នុងនាមប្តូរទ្រនំ ប៉ុន្តែយ៉ាងណាមហាជនមួយចំនួនធំទៀតបានគិតថា តារាចម្រៀងរូបនេះអាចនឹងទៅចូលរួមក្នុងគម្រោងមុខជំនួញណាមួយជាមួយក្រុមហ៊ុន Galaxy Navatra ក៏ថាបាន ។

ដូច្នេះព័ត៌មានពិតឬយ៉ាងណានោះ មានតែរង់ចាំការបកស្រាយបំភ្លឺពីលោក ព្រាប សុវត្ថិ តាមរយៈកម្មវិធីនោះនាថ្ងៃទី ២៥ ខែសីហាខាងមុខនេះប៉ុណ្ណោះ ៕