មានការទម្លាយថាគូស្នេហ៍ ទេព កញ្ញា ជាតារាចម្រៀងជោគជ័យម្នាក់ និងជាអ្នកជំនួញទៀត

ទេព កញ្ញា គឺជាតារាសម្តែងដែលមានទាំងរូបសម្រស់ស្រស់ស្អាត និង មានទេពកោសល្យម្នាក់ ក្នុងវិស័យសិល្បៈ ។ គិតមកដល់ពេលនេះ នាងបានចូលរួមសម្តែងរឿងជាច្រើនមកហើយ ដែលមានទាំងរឿងភាគទូរទស្សន៍ និងរឿងដុំ។ អ្វីដែលគួរឱ្យចាប់អារម្មណ៍ ភាគច្រើន ស្រីស្អាតរូបនេះ សម្តែងជាតួឯក ហើយនាងក៏កំពុងត្រៀមលេចមុខនៅក្នុងរឿងភាគរបស់ទូរទស្សន៍បុស្តិ៍លេខ ៥ ដែលមានចំណងជើងថា «សណ្តានហង្ស» ផងដែរ ។

បើក្រឡេកមកមើលពីជីវិតឯកជនរបស់តារាស្រីរូបនេះវិញ ថ្មីៗនេះមានការបង្ហើបថា ទេព កញ្ញា មានគូស្នេហ៍ហើយ ដែលបុរសនោះ ជាតារាចម្រៀង ដែលមានប្រជាប្រិយភាពម្នាក់នៅក្នុងស្រទាប់យុវវ័យទៀតផង។

ហាក់ខុសពីតារាដទៃបើ ទោះមានគូស្នេហ៍តែ ទេព កញ្ញា មិនទាន់បង្ហាញមុខជាចំហរឡើយទេ។ មានការព្រលយថា អ្នកទាំងពីរទាក់ទងគ្នាមួយរយៈមកហើយ គ្រាន់តែពួកគេមិនទាន់បង្ហាញតែប៉ុណ្ណោះ។ គូស្នេហ៍របស់ ទេព កញ្ញា ត្រូវបានគេដឹងថា ជោគ​ជ័យ​​ទាំងអាជីពចម្រៀង និង ជំនួញ ហើយលេចឮថាលោកទើបតែបោះទុនរាប់ម៉ឺនដុល្លារដើម្បីបង្កើតអាជីវកម្មទៀតផង។

មហាជនមួយចំនួនពិតជាចង់ដឹងថា តើគូស្នេហ៍របស់ ទេព កញ្ញា ជាតារាចម្រៀងរូបណាឱ្យប្រាកដ? ដើម្បីឱ្យកាន់តែច្បាស់មានតែរង់ច់ាំការបកស្រាយពីតារាសម្តែងរូបស្រស់ ទេព កញ្ញា ដោយផ្ទាល់តែប៉ុណ្ណោះ៕

រូបថត ៖ ហ្វេសប៊ុក