Chompoo ត្រូវអ្នកគាំទ្ររិះគន់ ក្រោយថតរូបលើកជើងមុខជណ្ដើរយន្ត
កំពូលតារាសម្ដែងស្រីថៃ Chompoo Araya គឺជាតារាស្រីដ៏មានឥទ្ធិពលមួយរូបនៅក្នុងវិស័យសិល្បៈ ដោយជារឿយៗ អ្នកម៉ាក់កូនភ្លោះរូបនេះ ច្រើនតែតុបតែងខ្លួនថ្មីៗ ជាមួយស្ទីលប្លែក ពិសេសស្ទីលនៃការថតរូប បង្ហោះលើបណ្ដាញសង្គមបង្អួតដល់អ្នកគាំទ្រនាងសឹងតែរាល់ថ្ងៃ ។
មិនខុសពីរាល់ដង Chompoo បានបង្ហោះរូបថតថ្មីៗរបស់ខ្លួនជាមួយស្ទីលប្លែករបស់នាង ប៉ុន្ដែរឿងដែលមហាជនចាប់អារម្មណ៍នោះ រូបថតថ្មីដែលតារាស្រី Chompoo ថតនៅមុខជណ្ដើរយន្ត បែរជាទទួលបានការរិះគន់ពីមហាជនទៅវិញ ព្រោះតែរូបថតថ្មីនោះ នាងបានថតលើកជើងម្ខាងដាក់ទៅលើជញ្ជាំងនៅទីសាធារណៈ ដែលហាក់បង្ហាញពីឥរិយាបថមិនសូវសមរម្យទាល់តែសោះ តែយ៉ាងណាក៏មានអ្នកគាំទ្របានខំមិនតបវិញថា នោះគឺជាជណ្ដើរយន្តឯកជនរបស់នាងទេ ។
ដ្បិតតែបែបនេះ នោះគឺជាលើកទី ២ ហើយដែលកំពូលតារាស្រីរូបនេះ ទទួលការរិះគន់ពីមហាជន ដោយកាលពីមួយរយៈមុន នាងត្រូវរិះគន់រឿងយកកូនភ្លោះទៅចូលរួមកម្មវិធីជាមួយ ធ្វើឱ្យបាត់បង់ចំណាប់អារម្មណ៍ទៅលើតារាកិត្តិយស ហើយលើកនេះ ក៏ត្រូវអ្នកលេងអ៊ីនធឺណេត រិះគន់រឿងបង្ហាញឥរិយាបថមិនសមរម្យទៀត ៕
