ស្ទីលរៀបចំខ្លួនមួយឈុតនេះមើលទៅ វីត វីត ទាក់ទាញ មើលសឹងមិនស្គាល់

លេចមុខជាថ្មីពិធីការិនី វីត វីត កាន់តែបង្កើនការលេងស្ទីលរៀបចំខ្លួនដែលមើលទៅពិតជាទាក់ទាញ និងស្រស់ស្អាតជាខ្លាំងដែលមិត្តភក្តិក្នុង និង ក្រៅសិល្បៈសុទ្ធលាន់មាត់សរសើរពីភាពស្រស់ស្អាតរបស់ នាងដែលប្រែប្រួលប្លែកខុសពីមុនតែម្តង ។

មួយរយៈហើយដែលពិធីការិនី វីត វីត បានវិលចូលសិល្បៈវិញ តែយ៉ាងណានាងហាក់មិនទាន់មាន សកម្មភាពថ្មីៗលេចធ្លោនៅឡើយទេ។ យ៉ាងណាមិញ នាងបានហក់ចូលក្នុងការសម្តែង MV ជាបន្តបន្ទាប់ឱ្យ ផលិតកម្មហង្សមាសផងដែរ។ បើទោះការងារមិនទាន់លេចធ្លោដូចមុនក៏ពិតមែនតែបើ និយាយពីការរៀបចំខ្លួនរបស់ វីត វីត វិញពិតជាលេចធ្លោ និងទាក់ទាញជាខ្លាំង មិនថាម៉ូដសម្លៀកបំពាក់ ឬពណ៌សក់ ឡើយ ។

ជាមួយនឹងភាពស្រស់ស្អាតប្រែប្រួលប្លែកពីមុន ធ្វើឱ្យមានការសង្ស័យថាពិធីការិនីរូបនេះ បានវះកាត់កែសម្ជស្ស អំឡុងពេលនាងបាត់មុខពីសិល្បៈប្រមាណជាងមួយឆ្នាំ ។ ហាក់ខុសពីមិត្តរួមអាជីពរហូតមក ដល់ពេលនេះ វីត វីត នៅតែបន្តលាក់ជិត​ឈឹងជុំវិញជីវិតស្នេហាបើទោះមិត្តភក្តិដែលចូលប្រឡូកដំណាលនាងបានរៀបការ និង បានបង្ហាញមុខមាត់គូស្នេហ៍ជាចំហរស្ទើរគ្រប់គ្នាក៏ដោយ ៕

រូបថត ៖ ហ្វេសប៊ុក