៥ ចំណុចអ្នកគាំទ្រមិនទាន់ដឹងពី Kai ព្រះរាជបុត្ររឿង «ផ្កាព្កុលមាស» (វីដេអូ)

ថ្មីៗនេះបន្ទាប់ពីបានប្រឡូកក្នុងវិស័យថតខ្សែភាពយន្ត Kai ហាក់កំពុងលេចធ្លោកាន់តែខ្លាំងទៀតក្នុងការដណ្តើមយកប្រជាប្រិយភាពពីសំណាក់មហាជនអ្នកគាំទ្រ ក្នុងនោះតារាប្រុសរាងខ្ពស់រូបនេះ ក៏បានអង្រួនយកបេះដូងអ្នកគាំទ្រ ជាពិសេសនារីៗជាមួយនឹងរូបសង្ហារបស់លោក និង ទេពកោសល្យផ្នែកលេងហ្គីតាផងដែរ ។

ម្យ៉ាងវិញទៀត គេបានសង្កេតឃើញថាព្រះរាជបុត្ររឿង «ផ្កាព្កុលមាស» រូបនេះ ទោះជាទើបតែបានបង្កើតផេកហ្វេសប៊ុកផ្លូវការ Instagram និង គណនី Youtube ផ្ទាល់ខ្លួនបានរយៈពេលជាង ១ ឆ្នាំក្តី តែ Kai ទទួលបានការចូល Like, Follow និង Subscribes មិនតិចនោះទេ ។ យ៉ាងណាមិញ ខាងក្រោមនេះគឺជា ៥ ចំណុចនៃរឿងរ៉ាវឯកជន និង ក្នុងសិល្បៈរបស់ Kai ដែលអ្នកគាំទ្រមិនធ្លាប់បានដឹង ៖

១-Kai មានឈ្មោះពិត ទៀន អេងលាង អាយុ ២៨ ឆ្នាំ ជាអ្នកមកពីប៉ោយប៉ែត ។

២-Kai មានជំនាញទាំងការច្រៀង និពន្ធ សម្តែង និង លេងតន្រ្តីដោយឧបករណ៍ហ្គីតាយ៉ាងស្ទាត់ជំនាញ ។

៣-Kai មិនត្រឹមតែបានសម្តែងក្នុងខ្សែរឿង «ផ្កាព្កុលមាស» ប៉ុណ្ណោះទេ តែលោកក៏បាននិពន្ធ និង ច្រៀងបទចម្រៀងបញ្ជូលក្នុងខ្សែភាពយន្តនេះដែរ បទនោះមានចំណងជើងថា «ខ្យល់» ។

៤-Kai ក៏មានសម្ថភាពក្នុងការច្រៀងបទចម្រៀងដើមបានយ៉ាងពីរោះ ។

៥-Kai ចូលចិត្តដើរកម្សាន្តតាមលក្ខណៈផ្សងព្រេង ដូចជាការជិះម៉ូតូ ជិះកង់ ឡើងភ្នំ ជាដើម ៕