Messi ៖ ខ្ញុំរិះគន់ Barcelona ច្រើន គឺដើម្បីឱ្យក្លិបរីកចម្រើន
Lionel Messi កីឡាករដ៏ល្បីរបស់ក្លិប FC Barcelona បានបង្ហាញអំពីមូលហេតុដែលខ្លួនតែងតែធ្វើការរិះគន់ដល់ក្លិបរបស់ខ្លួន ក្នុងមួយរយៈពេលចុងក្រោយនេះថា គឺដើម្បីតែចង់ឱ្យក្លិបមួយនេះ រីកចម្រើនទៅមុខតែប៉ុណ្ណោះ ។
កីឡាកររូបនេះ បានបន្ថែមថា ដូចដែលយើងបានដឹងហើយ ថាក្លិបមួយរយៈចុងក្រោយនេះ មានការធ្លាក់ចុះយ៉ាងខ្លាំង មូលហេតុ គឺដោយសារតែមានបញ្ហានៅក្នុងក្លិបជាច្រើន ដែលមិនមានការដោះស្រាយ។ ជាក់ស្តែង ដូចជាកីឡាករមួយចំនួនមិនពេញចិត្តនឹងក្លិប តែមិនមាននរណាម្នាក់ ហ៊ានចេញមុខរិះគន់ ទើបក្លិបបន្តធ្លាក់ចុះបែបនេះ ។
គួររំលឹកឡើងវិញដែរថា ក្លិប FC Barcelona បានធ្លាក់ចេញពីពាន La Liga និង UEFA Champions League កាលពីឆ្នាំ២០២០ កន្លងទៅនេះ ដែលធ្វើឱ្យក្លិបមិនបានទទួលពានអ្វីទាល់តែសោះនៅឆ្នាំ២០២០ រហូតដល់ Messi ស្ទើរតែនឹងដើរចេញពីក្លិបថែមទៀតផង ដោយសារតែរឿងមិនពេញចិត្តនឹងក្លិបនេះឯង ៕
ប្រភព៖ marca
