Lisa វ៉ាដាច់សមាជិកដទៃ រកបានចំនួនអ្នក Follower ដល់ទៅ ៤០ លាននាក់លើ IG

លោកអ្នក ដូចធ្លាប់បានដឹងមកហើយថា Lisa គឺជាតារាចម្រៀង K-Pop មួយរូប ដែលត្រូវបានមហាជនអ្នកគាំទ្រស្ទើរទូទាំងពិភពលោក បានចាប់អារម្មណ៍នាងខ្លាំងបំផុត ក៏ព្រោះនាង គឺជាសមាជិកមួយរូបនៃក្រុមចម្រៀង BlackPink ដែលជាជន​ជាតិថៃ។

លើសពីនេះទៅទៀត តារាចម្រៀង K-Pop ជនជាតិថៃរូបនេះ ត្រូវបានមហាជនអ្នកគាំទ្រ តាមដាននាងយ៉ាងខ្លាំងរាល់គ្រប់សកម្មភាពតាមរយៈបណ្តាញសង្គមរបស់នាង មិនថាតែលើ Youtube, IG ឬ ក៏ Facebook នោះទេ។

ជាក់ស្តែងកាលពីថ្ងៃទី ០៥ ខែតុលា ឆ្នាំ ២០២០ កន្លងទៅនេះ Lisa បានធ្វើឲ្យមហាជនអ្នកគាំទ្រភ្ញាក់ផ្អើលយ៉ាងខ្លាំង ក្រោយពីគណនី IG របស់នាងមានអ្នក Follow រហូតដល់ទៅ ៤០ លាននាក់ ដែលជាចំនួនមួយច្រើនជាងសមាជិក ៣ រូបផ្សេងទៀតរបស់ BlackPink។

ក្នុងនោះ គេបានដឹងថា Jennie មានអ្នក follow ចំនួន ៣៣.២ លាននាក់, Rosè ចំនួន ៣០ លាននាក់ និង Jisoo មានអ្នក follow ចំនួន ២៩.៣ លាននាក់ ប៉ុណ្ណោះ៕