Justin ដឹកដៃប្រពន្ធ ថតរូបរោលរាលដាក់លើគ្របទស្សនាវដ្តី ដុតកម្ដៅអ្នកគាំទ្រ

កំពូលតារាចម្រៀង Justin Bieber និង ភរិយានាង Hailey បានក្លាយទៅជាប្រធានបទក្តៅគគុកសារជាថ្មីហើយ នៅព្រឹកថ្ងៃទី ០៨ ខែតុលា ឆ្នាំ ២០២០ នេះ បន្ទាប់ពីរូបភាពនៅលើគ្រែរបស់អ្នកទាំងពីរបានបង្ហោះនៅលើគណនី IG របស់ម្ចាស់បទ «Love Yourself» រូបនេះ។

រូបភាព ឱបគ្នាយ៉ាងកៀកកិតនៅលើគ្រែ និង ថើបដ៏ត្រេកត្រអាលនេះដែរ ត្រូវបានថតឡើងដើម្បីដាក់នៅលើគ្របមុខរបស់ទស្សនាវដ្តី Vogue Italia និង ជាឱកាសខួបគម្រប់អាពាហ៌ពិពាហ៌របស់ពួកគេផងដែរ។

លើសពីនេះ តាមការចុះផ្សាយពីទស្សនាវដ្តីខាងលើ គឺរូបភាពនេះចង់រៀបរាប់ពីអត្ថន័យនៃទំនាក់ទំនងផ្លូវភេទក្នុងជីវិតជាប្តីប្រពន្ធរបស់អ្នកទាំងពីរ ដែលបានសរសេរនៅក្នុងអត្ថបទទាំងស្រុង នៃទស្សនាវដ្តី Vogue Italia ដែលចេញនៅខែតុលានេះ៕