បេក្ខជន MasterChef Khmer វិច្ឆិកា ត្រូវអ្នកគាំទ្រលួច Crush ពេញបណ្តាញសង្គម
កម្មវិធីប្រកួតធ្វើកំពូលចុងភៅខ្មែរ ឬ MasterChef Khmer រដូវកាលពី ២ បាន និង កំពុងចាក់ផ្សាយយ៉ាងរលូនលើកញ្ចក់ទូរទស្សន៍ CTN ក្រោមការនិយមតាមដានយ៉ាងជក់ចិត្តពីមហាជន ហើយរយៈពេលជាច្រើនសប្តាហ៍កន្លងទៅនេះ មានបេក្ខជន និង បេក្ខនារីមួយចំនួនត្រូវបានជម្រុះចេញពីកម្មវិធី បន្ទាប់ពីធ្វើមិនបានល្អ ។
យ៉ាងណាមិញ នៅមានបេក្ខជនជាច្រើនទៀតដែលកំពុងបន្តដំណើរជាមួយកម្មវិធីលំដាប់ពិភពលោកមួយនេះ និង កំពុងទទួលបានការគាំទ្រយ៉ាងខ្លាំងពីមហាជន ដោយក្នុងចំណោមបេក្ខជនទាំងអស់ដែលនៅសល់នោះ គេបានកត់សម្គាល់ឃើញមានបេក្ខជនម្នាក់ឈ្មោះ វិច្ឆិកា ក៏កំពុងទទួលបានការគាំទ្រយ៉ាងផុលផុសពីមហាជនផងដែរ ។
រយៈពេលចុងក្រោយនេះមហាជនបានសង្កេតឃើញថា បេក្ខជន វិច្ឆិកា បានបង្ហាញស្នាដៃក្នុងការផ្សំគ្រឿងមុខម្ហូបរបស់ខ្លួនបានយ៉ាងល្អរហូតរូបគេក្លាយជាអ្នកដឹកនាំក្រុមលើកដំបូង និង សប្តាហ៍ទើបនឹងកន្លងទៅនេះ រូបគេក៏ទទួលបានការសរសើរលើការតុបតែងចានបានស្អាត រំលេចមុខម្ហូបគួរឱ្យចង់ញ៉ាំពីគណៈកម្មការ ធ្វើឱ្យរូបគេផ្ទុះការសរសើរ ហើយដោយសារទឹកមុខសុភាព និង ស្នាមញញឹមហាក់មានមន្តស្នេហ៍នោះ បេក្ខជនរូបនេះត្រូវបានអ្នកគាំទ្រជាច្រើនបានលួច Crush ព្រាតពេញបណ្តាញសង្គមហ្វេសប៊ុក ៕
