មួយប៉ប្រិចភ្នែក តារាភេទទី ៣ ផេនខេក ក្ដោបបានទីផ្សារសិល្បៈខ្ពស់មិនធម្មតាឡើយ

នៅពេលដែលគេនិយាយដល់កម្មវិធីជជែកកម្សាន្ត 3 Fun ជឿជាក់ថាប្រិយមិត្តភាគច្រើនប្រាកដជានឹកឃើញមុនគេដល់តារាភេទទី ៣ ផេនខេក មិនខាន ព្រោះថាតារារូបនេះ គឺជាពិធីករដ៏មានប្រជាប្រិយភាព ពូកែកំប្លុកកំប្លែង មានអត្តចរិតរួសរាយ មិនប្រកាន់ច្រើន ពូកែលេងសើច ធ្វើឱ្យទស្សនិកជនដែលបានទស្សនាកម្មវិធីនេះ សើចក្អាកក្អាយសប្បាយបាត់អស់ទុក្ខកង្វល់ ។

ជាមួយនឹងភាពប៉ុនប្រសប់ផ្នែកសិល្បៈ បូករួមទាំងការតុបតែងខ្លួនបែបឃ្យូតៗគួរឱ្យស្រឡាញ់ផងនោះ ត្រឹមតែមួយប៉ព្រិចភ្នែក ផេនខេក ក្ដោបបានប្រជាប្រិយភាពយ៉ាងច្រើនផុសផុលពីសំណាក់ទស្សនិកជន លើសពីនេះ ផេនខេក ក៏ស្រវ៉ាបានទីផ្សារការងារសិល្បៈបានហូរហែពេញក្នុងដៃ ដោយមួយរយៈចុងក្រោយនេះ គេសង្កេតឃើញនាងបង្ហាញមុខតាមកម្មវិធីតូចធំផ្សេងៗ មិនថាប៉ុស្ដិ៍ទូរទស្សន៍ ឬការផ្សព្វផ្សាយពាណិជ្ជកម្មឡើយ ។

សន្ទុះនៃប្រជាប្រិយភាពហក់ឡើងស្រឺតៗគួរឱ្យភ្ញាក់ផ្អើលត្រឹមមួយប៉ព្រិចភ្នែកនេះ កាន់តែធ្វឱ្យ ផេនខេក ជោគជ័យកាន់តែខ្លាំងនៅលើវិថីមួយនេះ និង ត្រូវបានគេស្គាល់វត្តមានរបស់នាងកាន់តែច្រើនឡើងៗផងដែរ ៕