ប្រជុំសុទ្ធតែកីឡាករបាល់ទាត់ល្បីៗ ក្នុងថ្ងៃពិសេស កែវ សុខផេង

កីឡាករខ្សែប្រយុទ្ធ ដែលមានឈ្មោះបោះសំឡេងទាំងក្នុងស្រុក ក៏ដូចជាតំបន់អាស៊ានរបស់កម្ពុជា កែវ សុខផេង បានលាចាកភាព​នៅលីវរបស់ខ្លួនហើយ កាលពីថ្ងៃទី ០១ ខែ វិច្ឆិកា ឆ្នាំ ២០២០ កន្លងទៅនេះ។

មង្គលការរបស់កីឡាករបាល់ទាត់ កែវ សុខផែង បានណែនណាន់តាន់តាប់ ពោរពេញដោយភ្ញៀវកិត្តិយសចូលរួមយ៉ាងច្រើនកុះករ។

យ៉ាងណាមិញ ក្រៅពីញាតិមិត្តទាំងសងខាងរបស់កូនកំលោះ និង កូនក្រមុំ គេសង្កេតឃើញមានបុគ្គលល្បីៗជាច្រើនបានចូលរួមក្នុងកម្មវិធីដ៏មានន័យរបស់ កីឡាករក្លិបវិសាខាខាងលើ ដោយរួមមានទាំងមិត្តរួមអាជីព សិល្បៈករ សិល្បការិនី និង អ្នកសារព័ត៌មានជាច្រើនរូបផងដែរ។

បើក្រលេកទៅមើល បុគ្គលល្បីៗ ក្នុងវិស័យបាល់ទាត់ដែលចូលរួមក្នុងកម្មវិធីពិសេសនេះ មានដូចជា កីឡាករចាន់ វឌ្ឍនាកា កំពូលអ្នកចាំទី ស៊ូ យ៉ាទី អតីតមិត្តរួមក្រុមភ្នំពេញក្រោន (អ៊ុំ វិចិត្រ អន ចាន់ប៉ូលីន លឹម ពិសុទ្ធ ប្រាក់ ធីវ៉ា ពៅប៉ុនវុទ្ធី …) ព្រមទាំង មិត្តរួមក្រុមក្នុងក្លិបវិសាខា (រស់ សំអឿន …) ជាដើម។ មិនតែប៉ុណ្ណោះ គេក៏ឃើញមានវត្តមានចូលរួមរបស់ អ្នកចាត់ការក្រុមបឹងកេត លោកបែរ មករា ទៀតផង៕