រូបមួយសន្លឹករបស់ ខេម នៅវ័យជំទង់ កំពុងល្បីពេញហ្វេសប៊ុក

ពិតជាមិននឹកស្មានដល់សោះថានេះជារូបពីវ័យជំទង់របស់តារាចម្រៀងប្រចាំផលិតកម្ម Galaxy Navata ខេម ព្រោះមើលទៅហាក់មានភាពខុសប្លែកគ្នា និង សឹងតែមើលមិនស្គាល់ថែមទៀត ។

រូបភាពកាលពីវ័យជំទង់មួយសន្លឹក ដែលអមជាមួយរូបភាពបច្ចុប្បន្នរបស់តារាចម្រៀង ខេម កំពុងចរាចរណ៍លើទំព័រហ្វេសប៊ុកនេះ បានធ្វើឱ្យប្រិយមិត្តមានការភ្ញាក់ផ្អើលយ៉ាងខ្លាំង រហូតដល់ចោទជាសំណួរឡើងថា តើនេះជាតារាចម្រៀង ខេម ពីអតីតកាលពិតមែនឬទេ? ព្រោះបើងាកមកមើលរូបថតបច្ចុប្បន្នរបស់តារាចម្រៀងសំឡេងស្អករូបនេះឃើញថា រូបលោកមានភាពប្រែប្រួលប្លែកស្រស់សង្ហា មុខរាហ៍មានស្នេហ៍ និង មានដុះពុកចង្កាផង មើលទៅហាក់ទាក់ភ្នែកនារីៗឱ្យលង់ស្នេហ៍មិនស្ទើរឡើយ ។

ភាពប្រែប្រួលខុសប្លែកនេះ បញ្ជាក់ឱ្យឃើញពីការយកចិត្តទុកដាក់លើការថែរក្សាសម្រស់ និង រូបរាងរបស់តារាចម្រៀងប្រុសរូបនេះយ៉ាងខ្លាំង ព្រោះកាលពីវ័យជំទង់លោកត្រឹមតែជាក្មេងប្រុសសាមញ្ញម្នាក់ហាក់មិនទាន់ចេះតុបតែងខ្លួនច្រើន ហើយជាធម្មតាទេដែលរូបកាលពីវ័យជំទង់ និង ក្នុងវ័យបច្ចុប្បន្ននេះរបស់តារាចម្រៀង ខេម ខុសប្លែកគ្នានោះ ព្រោះជាការវិវឌ្ឍវ័យរបស់មនុស្ស ។

ក្រៅពីសម្ដែងអារម្មណ៍ភ្ញាក់ផ្អើល ទស្សនិកជនក៏បានពោលសរសើរផងដែរទៅលើតារាចម្រៀង ខេម ថាកាន់តែមានរូបរាងស្រស់សង្ហាទៅៗ ទោះបីជាលោកហាក់បែបសាច់ និង មានសម្បុរស្រអែមបន្តិចក្តី ៕