Mookda ទម្លាយពីទំនាក់ទំនងពិសេសជាមួយ Kem
ដៃគូសម្ដែងដ៏ស័ក្ដិសមនៅក្នុងរឿង «ច្រវ៉ាក់ស្នេហ៍» គឺតារាសម្ដែងប្រុសរូបសង្ហា Kem Hussawee និង ស្រីស្រស់ Mookda Narinrak កំពុងតែត្រូវបានទស្សនិកជនជំរុញពីឆ្វេងពីស្ដាំឱ្យពួកគេទាំងក្លាយជាគូស្នេហ៍ពិតប្រាកដ រហូតថ្មីៗនេះ ប៉ុស្ដិ៍ទូរទស្សន៍លេខ សម្រេចឱ្យពួកគេទាំងពីរចាប់ដៃគ្នាសម្ដែងជាតួឯកប្រុស-ស្រីក្នុងរឿងភាគថ្មីថែមទៀតផង ។
ខណៈមហាជនកាន់តែជំរុញ Mookda និង Kem ក៏កាន់តែជិតស្និទ្ធបណ្ដើរគ្នាទៅណាមកណាញឹកញាប់ដូចសង្សារ ធ្វើឱ្យមហាជនកាន់តែពេញចិត្តខ្លាំងព្រោះយល់ថាពួកគេទាំងពីរអាចនឹងចាប់ផ្ដើមយល់ចិត្តគ្នាហើយ ដោយឡែកនៅពេលចូលរួមកម្មវិធីមួយថ្មីៗនេះ Mookda ព្រមទទួលថានាង និង Kem ពិតជាកាន់តែស្និទ្ធស្នាលគ្នាមែន ប៉ុន្ដែទំនាក់ទំនងអ្នកទាំងពីរមិនមានស្នេហាឡើយ ពេលនេះគ្រាន់តែជាមិត្តរួមការងារប៉ុណ្ណោះ ។
ដោយឡែកងាកទៅប្រុសស្អាត Kem Hussawee វិញ បានសារភាពថា លោកតែងតែមានអារម្មណ៍ខ្មាសអៀនម្យ៉ាងរាល់ពេលនៅក្បែរ Mookda ប៉ុន្ដែពេលដែលលោកនៅជាមួយអ្នកផ្សេង Kem និយាយធម្មតាទៅអ្នកគ្រប់គ្នា ៕
