មកមើលសម្រស់អតីតតារាសម្តែង ទេព សម្ផស្ស នៅតែស្អាតមិនប្រែប្រួល

រហូតមកដល់ពេលនេះ ទេព សម្ផស្ស បានចាកចេញពីអាជីពសិល្បៈយូរគួរសម ជាពិសេសក្រោយពីនាងចាប់ផ្តើមពពោះ ដោយលែងលែងខ្វល់ខ្វាយចំពោះការងារ ក្រោមកម្តៅថ្ងៃនេះទៀត ងាកទៅបើកហាងលក់អាហារវិញម្តង ។

បើទោះជាមានកូនអតីតតារាសម្តែង ទេព សម្ផស្ស នៅតែមានសម្រស់ស្អាត ជាពិសេសរូបរាងតូចស្រឡូនដដែលមិនប្រែប្រួលពីមុនឡើយ រហូតមិត្តភក្តិក្នុងសិល្បៈខ្លះលាន់មាត់ថានាងនៅតែស្អាតគួរតែវិលចូលសិល្បៈវិញ ប៉ុន្តែយ៉ាងណាពេលនេះ ទេព សម្ផស្ស បានក្លាយទៅជាថៅកែស្រី ដោយនាងបានបើកហាងលក់អាហារបរទេសដែលកំពុងដំណើរការយ៉ាងរលូនមានទីតាំងនៅម្តុំទួលទំពូង ។

គេចាំបានថា ទេព សម្ផស្ស ធ្លាប់ជាតារាសម្តែងដែលមានឈ្មោះម្នាក់ ដោយនាងលេចមុខនៅក្នុងរឿងភាគជាច្រើន ដែលមានទាំងតួឯក និង តួរង ជាពិសេសការសម្តែងបទចម្រៀងនៅក្នុងផលិតកម្មហង្សមាស តែគួរឱ្យស្តាយក្រោយពីមានកូន ទេព សម្ផស្ស ក៏បានចាកចេញពីអាជីពនេះស្របពេលស្វាមីនាងដែលជាជនជាតិហ្វីលីពីនត្រូវបានគេដឹងថាជាអ្នកមានទ្រព្យធនគួរសម ៕