មួយឈុតនេះ សឿ សុធារ៉ា ចេញរាងស្រឡូនស្អាតណាស់

មានកូនដល់ទៅពីរនាក់ និង មានវ័យ ៣៣ ឆ្នាំក្តី តែសម្រស់របស់ សឿ សុធារ៉ា នៅតែស្អាត ជាពិសេសក្រោយពីនាងបានសំងំសម្រករាងឱ្យស្រឡូនស្អាតដូចកាលពីនៅលីវ ។ តាមរយៈសម្លៀកបំពាក់ពណ៌សមួយឈុតនេះគេចាប់អារម្មណ៍ឃើញថាសម្រស់ សឿ សុធារ៉ា ស្អាតប្លែកមិនចាញ់តារាស្រករក្រោយប៉ុន្មានឡើយ ។

ដោយសារតែសម្រស់នៅតែផូរផង់នោះ គ្រាន់តែវិលចូលសិល្បៈភ្លាម សឿ សុធារ៉ា ក៏ទទួលការងារជាបន្តបន្ទាប់ ដែលមានទាំងការថតស្ប៉តសម្អាងការ ច្រៀងនៅតាមកញ្ចក់ទូរទស្សន៍នានា និង ការសម្តែងរឿងភាគនៅទូរទស្សន៍ហង្សមាសផងដែរ ។ វិលចូលសិល្បៈជាថ្មី សឿ សុធារ៉ា កាន់តែមានការរៀបចំខ្លួនបានទាក់ទាញ ដោយថ្មីៗនេះនាងបានធ្វើឱ្យអ្នកគាំទ្រសរសើរនូវការច្នៃម៉ូដសម្លៀកបំពាក់បានស្រស់ស្អាត មើលទៅសាមញ្ញតែស័ក្តិសមទៅនឹងរូបរាងគួរឱ្យស្រឡាញ់ ។

សឿ សុធារ៉ា រំពឹងថា ការត្រលប់ជាថ្មីរបស់នាងនឹងមានអ្វីប្លែកសម្រាប់អ្នកគាំទ្រ ជាពិសេសតាមរយៈការសម្តែងរឿងភាគទូរទស្សន៍ហង្សមាសដែលនាងសម្តែងជាតួមិនធ្លាប់សម្តែងពីមុន ក្នុងនោះ សឿ សុធារ៉ារំពឹងថានឹងអាចត្រួសត្រាយប្រជាប្រិយភាពនាងថែមមួយកម្រិតទៀតក្រោយរឿងនេះចាក់បញ្ចាំង ៕