ទើបលេចធ្លោខ្លាំង Miss Grand កំពង់ឆ្នាំង សម្រេចចិត្តរៀបការនៅកោះរ៉ុងស្ងប់ស្ងាត់បំផុត

Miss Grand កំពង់ឆ្នាំង ខាត់ ស្រីច័ន្ទ ទើបតែបានបង្ហាញវត្តមាន និង ទទួលបានការចាប់អារម្មណ៍យ៉ាងខ្លាំង លើឆាកប្រកួត Miss Grand Cambodia 2020 កន្លងទៅនោះ ស្រាប់តែថ្មីៗនេះ Miss Grand តំណាងខេត្ត កំពង់ឆ្នាំង រូបនេះ បានធ្វើឲ្យមហាជនអ្នកគាំទ្រភ្ញាក់ផ្អើលក្រោយរូបភាពរៀបការដ៏រ៉ូមែនទិចរបស់នាងបានចែកចាយនៅលើបណ្តាញសង្គមហ្វេសប៊ុក ។

រូបភាពជាច្រើនសន្លឹក ក្នុងកម្មវិធីមង្គលការដ៏ស្ងប់ស្ងាត់ និង ពោរពេញទៅដោយភាពរ៉ូមែនទិច នៅលើឆ្នេរសមុទ្រកោះរ៉ុងរបស់ ខាត់ ស្រីច័ន្ទ គឺបានរៀបចំឡើងកាលពីថ្ងៃទី ១២ ខែវិច្ឆិកា ឆ្នាំ ២០២០ កន្លងទៅនេះ ។

បើតាមការបង្ហោះ និង បញ្ចេញមតិរបស់មិត្តភក្តិស្និទ្ធស្នាលរបស់ Miss Grand កំពង់ឆ្នាំង រូបនេះ ហាក់ឲ្យដឹងថា កម្មវិធីមង្គលការនេះដែរ បានរៀបចំឡើងដោយមានការចូលរួមពីសំណាក់ក្រុមគ្រួសារ និង មិត្តភក្តិស្និទ្ធស្នាលតែប៉ុន្មានរូបប៉ុណ្ណោះ ។

លើសពីនោះទៀត មូលហេតុដែល Miss Grand កំពង់ឆ្នាំង បានជ្រើសរើសការរៀបចំកម្មវិធីយ៉ាងស្ងាត់ៗនៅលើកោះរ៉ុងយ៉ាងនេះ ក៏ព្រោះតែគឺជាក្តីស្រមៃរបស់នាងដែលចង់រៀបការនៅឆ្នេរសមុទ្រ ។

គួរឲ្យដឹងទៀតថា ស្វាមី របស់ ខាត់ ស្រីច័ន្ទ ត្រូវបានគេដឹងថា ជាតារាបង្ហាញម៉ូដដូចគ្នាដែរ ៕

រូបភាព៖​ Putheara Sambath