តារាសម្តែងសិចស៊ី វ៉ាន់ វល័ក្ខ អាក់ខានរៀបចំពិធីធំមួយ នៅខែវិច្ឆិកានេះ

បើតាមគម្រោងតារាសម្តែងរូបស្រស់ សិចស៊ី វ៉ាន់ វល័ក្ខ មានបំណង និង រៀបចំពិធីឡើងផ្ទះវីឡាធំស្កឹមស្កៃរបស់នាងនៅក្នុងអំឡុងខែនេះ តែគួរឱ្យស្តាយដោយសារកាត់បន្ថយការជួបជុំតារាសម្តែងរូបស្រស់ម្នាក់នេះ សុខចិត្តផ្អាកពិធីរបស់ខ្លួន ។

វ៉ាន់ វល័ក្ខ បានធ្វើឱ្យមិត្តភក្តិក្នុង និង ក្រៅសិល្បៈច្រើនភ្ញាក់ផ្អើលពីភាព ហ៊ឺហារបស់នាង ដែលថ្មីៗនេះ ផ្ទះវីឡាដែលមានតម្លៃក្បែរលានដុល្លារនោះ ក៏បានសាងសង់រួចរាល់ហើយដែរ ។ បើតាមបំណងនាងនឹងរៀបចំពិធីឡើងផ្ទះ ដោយមានការអញ្ជើញមិត្តភក្តិក្នុងសិល្បៈចូលរួម តែដោយសារខ្លាចការរីករាលដាលនៃវីរុសកូវីដ-១៩ តារាស្រីរូបនេះសុខចិត្តធីបចោលពិធីនេះទៅវិញ ។

វ៉ាន់ វល័ក្ខ បានបន្ថែមពីលើនេះទៀតថា ដោយសារតែកូវីដ-១៩ នាងមិនអាចចេញទៅប្រទេសក្រៅកែសម្ជស្សតាមបំណង តែយ៉ាងណានាងមិនបានប្រាប់ថាកែបន្ថែមអ្វីនោះទេ។

មួយរយៈចុងក្រោយនេះ វ៉ាន់ វល័ក្ខ បានស្ទុះឡើងខ្លាំងស្ទើរមិនគួរឱ្យជឿ ខណៈដែលនាងប្រែប្រួលទាំងរូបសម្រស់ កេរ្តិ៍ឈ្មោះ ជាពិសេសជីវភាពរស់នៅតែម្តង តែយ៉ាងណាតារាសម្តែងរូបនេះអះអាងថា នេះជាញើសឈាមរបស់នាង មិនមានការជួយជ្រោមជ្រែងពីបុរសណាឡើយ ៕

រូបថត ៖ ហ្វេសប៊ុក