ជិតដាច់ឆ្នាំ អ៊ីវ៉ា យីអ៊ុនឡើងស្រឺតៗ ក្តោបបានតំណែងធំមួយ!

សម្រាប់ឆ្នាំ ២០២០ នេះគេសម្គាល់ឃើញតារាចម្រៀង អ៊ីវ៉ា ហាក់ដូចជាកាក់កបគួរសមដោយនាង បានពង្រីកការងាររកស៊ីទៀត​ផង ។

បើគិតមកដល់ពេលនេះ រយៈពេលប្រមាណជា ៩ ឆ្នាំហើយ ដែលតារាចម្រៀង អ៊ីវ៉ា បានប្រឡូកក្នុងអាជីព ជាតារាចម្រៀងតែហាក់ខុសពីតារាចម្រៀង ដទៃ អ៊ីវ៉ា ហាក់មិនសូវលេចមុខនៅក្នុងស្ប៉តពាណិជ្ជកម្មធំៗនោះទេ តែសម្រាប់ថ្មីៗនេះតារាចម្រៀងរូបនេះមានឱកាសក្លាយជាអ្នកតំណាងឱ្យផលិតផលរក្សា សម្រស់របស់ក្រុមហ៊ុនមួយ ដែលតាមការបង្ហើបពីសំណាក់ប្រភពស្និទ្ធជាមួយតារាចម្រៀងរូបនេះបានព្រលយថា នាងទទួលតម្លៃខ្លួនខ្ពស់គួរសម ។ អ៊ីវ៉ា បានបង្ហាញនូវអារម្មណ៍រីករាយជាខ្លាំង ក្រោយពីនាងបានក្លាយ ជាអ្នកតំណាងឱ្យក្រុមហ៊ុនមួយនេះ ។

មួយរយៈចុងក្រោយនេះ គេមិនសូវឃើញ អ៊ីវ៉ា មិនសូវមានបទចម្រៀងថ្មីៗ និង ផ្ទុះដូចមុនប៉ុន្មានឡើយ ខណៈដែលតារាចម្រៀងរូបស្រស់ម្នាក់នេះ ងាកមកពង្រីករបរលក់សម្លៀកបំពាក់ឱ្យកាន់តែធំជាងមុនទៀត ។

គួរឱ្យដឹងថា មិនថា ការងារសិល្បៈ និង ជំនួញសុទ្ធតែកាក់កប តែសម្រាប់រឿងស្នេហារបស់ អ៊ីវ៉ា នៅតែស្ងប់ស្ងាត់៕

រូបថត ៖ ហ្វេសប៊ុក