តារាចម្រៀង ៣ រូប បង្ហាញវត្តមានក្នុងពិធីបុណ្យសពលោកយាយ លោក ណុប បាយ៉ារិទ្ធ

កាលពីថ្ងៃទី ១២ ខែវិច្ឆិកា ឆ្នាំ ២០២០ កន្លងទៅនេះ តារាចម្រៀងប្រុស-ស្រីត្រកូល ណុប ដែលមានដូចជា លោក ណុប បាយ៉ារិទ្ធ , នីកូ និង កញ្ញា តាក់ម៉ា ព្រមទាំងក្រុមគ្រួសារទាំងមូលបានជួបទុក្ខធំ ដោយលោកយាយជាទីស្រឡាញ់ បានទទួលមរណភាពក្នុងជន្មាយុ ៩៧ ឆ្នាំ ។

ក្នុងនោះដែរ តារាចម្រៀង ណុប បាយ៉ារិទ្ធ ក៏បានបួសសងគុណ ដើម្បីលាដំណើរលើកចុងក្រោយជូនលោកយាយ ។

យ៉ាងណាមិញ នៅរសៀលថ្ងៃទី ១៧ ខែវិច្ឆិកា ឆ្នាំ ២០២០ នេះដែរ គេបានឃើញវត្តមានរបស់តារាចម្រៀងស្រីជួរមុខ ៣ រូប ដូចជា អ្នកនាង ឱក សុគន្ធកញ្ញា អ្នកនាង សុគន្ធ និសា និង អ្នកនាង សុខ ស្រីនាង បានបង្ហាញវត្តមានក្នុងកម្មវិធីបុណ្យសពគ្រប់ ៧ ថ្ងៃ និង ១០០ ថ្ងៃ របស់តារាចម្រៀងត្រកូល ណុប ផងដែរ ៕