ទោះខ្លួនកំពុងរៀបការតែ ឌុច លីដា នៅឆ្លៀតធ្វើរឿងមួយនេះឱ្យ ណាខុន យ៉ាងរំភើប

កាលពីថ្ងៃទី ១៨ ខែវិច្ឆិកា ឆ្នាំ ២០២០ ល្ងាចមិញនេះ គឺជាពិធីសូត្រមន្តមង្គលការរបស់តារាសម្តែង ឌុច លីដា ដោយក្នុងនោះគេសង្កេតឃើញមានមិត្តភក្តិស្និទ្ធក្នុងសិល្បៈមួយចំនួនបានចូលរួម ដែលក្នុងមានតារាសម្តែង ណាខុន និង គូស្នេហ៍ ជាដើម ។

បើទោះបីជាខ្លួនមមាញឹកនឹងកម្មវិធីមង្គលការក្តី ប៉ុន្តែតារាសម្តែង ឌុច លីដា មិនបានភ្លេចនឹងធ្វើរឿងមួយដល់តារាសម្តែង ណាខុន ដែលមិត្តស្និទ្ធស្នាលបំផុតក្នុងសិល្បៈនោះទេ ដោយតារាស្រីរូបនេះបានឆ្លៀតពេលក្រោយពីបញ្ចប់កម្មវិធីសូត្រមន្តកាលល្ងាចមិញនោះឡើយ នាងបានពញ្ញាក់អារម្មណ៍លោក ណាខុន ជាមួយនំខួបកំណើតបើទោះជាហួសថ្ងៃហើយក៏ដោយ ក្នុងនោះតារាស្រី ឌុច លីដា ក៏បានជូនអំណោយយ៉ាងរីករាយដល់តារារូបនេះថែមទៀតផង ។

សម្រាប់តារាសម្តែងប្រុសមុខស្រស់ ណាខុន វិញ ក្រោយទទួលបានការពញ្ញាក់អារម្មណ៍ពីតារាស្រី ឌុច លីដា ហើយនោះ រូបលោកបានបង្ហាញអារម្មណ៍រំភើបយ៉ាងខ្លាំង រហូតដល់បង្ហាញអារម្មណ៍នោះទៅលើបណ្តាញសង្គមតាមរយៈការសរសេរសារបង្ហោះថា «អរគុណ BB ឌុច លីដា សម្រាប់នំ និង កាដូរូបថតដ៏ស្រស់ស្អាត ទោះបីជាហួសថ្ងៃ តែ Surprise ខ្លាំងណាស់» ៕