រយាលការងារសិល្បៈ ចំរើន សុភ័ក្ត្រ ងាកមកបើកជំនួញផ្ទាល់ខ្លួននៅផ្ទះធ្វើព្រងើយ!

ដោយសារមិនសូវរវល់ជាមួយនឹងការច្រៀងនៅក្នុងកម្មវិធីនានា ពេលនេះ តារាចម្រៀងមាឌតូចល្អិត ចំរើន សុភ័ក្ត្រ បាន​ងាក​មកប្រកបរបរបន្ទាប់បន្សំដើម្បីរកប្រាក់ចំណូលបន្ថែម។ បើទោះជាទើបចាប់ផ្តើម តែការលក់ដូររបស់នាងក៏ទទួលបានការគាំទ្រពីអតិថិជនជាច្រើនផងដែរ ។

ពេលនេះ តារាចម្រៀង ចំរើន សុភ័ក្ត្រ ដែលអ្នកគាំទ្រភាគច្រើនដាក់រហស្សនាមថាជា បុប្ជាឆើតឆាយ នោះបាន ងាកមកប្រកបរបរមួយចំនួននៅផ្ទះរបស់នាង ដែលមានទីតាំងនៅម្តុំចាក់អង្រែដែលមានដូចជា ការបើកលក់នំបាល់មូល និង ហាងកាត់សម្លៀកបំពាក់បន្ថែមពីលើហាងសាឡនដែលមានស្រាប់។

មហាជនចាប់អារម្មណ៍ខ្លាំង ព្រោះធ្លាប់តែឃើញ ចំរើន សុភ័ក្ត្រ តុបតែងខ្លួនក្នុងសម្លៀកបំពាក់ស្រស់ស្អាតច្រៀងនៅតាមឆាកតន្រ្តី តែពេលនេះ តារាចម្រៀងរូបនេះបានមកឈរបំពងនំលក់ យ៉ាងសាមញ្ញទៅវិញ។

គួរឱ្យដឹងថា ចំរើន សុភ័ក្ត្រ ជាតារាចម្រៀងដែលមានប្រជាប្រិយភាពម្នាក់មួយរូប នៅក្នុងផលិតកម្មហង្សមាស ហើយសំឡេងរបស់នាងស៊ីជាមួយបទបែបសម័យដើម តែចុងក្រោយនេះ ចំរើន សុភ័ក្ត្រ បានងាកមកដូរស្ទីល ច្រៀងបែបសម័យថ្មី ហើយបើនិយាយពីស្ទីលនៃការតែងខ្លួនវិញគឺ ឡូយកប់តែម្តង។ យ៉ាងណាមិញ បើក្រឡេកមកមើលពីរឿងរ៉ាវស្នេហាវិញ ចំរើន សុភ័ក្ត្រ ហាក់មិនទាន់នឹកនាគិតគូររឿងរៀបការអ្វីឡើយ តែមានការលើកឡើងថាចំណងស្នេហ៍នាង និង គូដណ្តឹងនៅតែផ្អែមល្ហែមមិនខុសពីប្តីប្រពន្ធទេ៕

រូបថត ៖ ហ្វេសប៊ុក