ការងារសិល្បៈស្ងាត់ សូដា នីតា បើកដំណើរការអាហារដ្ឋានភ្លែត!

ដូចការសន្យា ពេលនេះតារាចម្រៀងនិងសម្តែង សូដា នីតា ចាប់ផ្តើមបើកដំណើរការអាហារដ្ឋានរបស់ខ្លួនភ្លាមៗ ស្របពេលការងារក្នុងសិល្បៈមិនសូវមមាញឹក ហើយក្នុងនោះគេសង្កេតឃើញថាមានការ គាំទ្រពីសំណាក់អតិថិជនច្រើនផងដែរ ។

ត្បិតស្ថានភាពកូវីដ១៩ មិនទាន់ស្ងប់ស្ងាត់ក៏ពិតមែន តែការបើកអាហារដ្ឋានដំបូងរបស់ សូដា នីតា មិនមានអ្វីជាឧបសគ្គទេដោយនាងបានចាប់ផ្តើមបើកលក់ជាធម្មតា ដោយស្លាកយីហោនាងបានដាក់ឈ្មោះថាអាហារដ្ឋាន k63 ដែលមានទីតាំងនៅទួលសង្កែ។ ទើបចាប់ផ្តើមលក់ក៏ពិតមែនតែ សូដា និតា ញញឹមបិទមាត់មិនជិត ដោយនាងទទួលបានការគាំទ្រច្រើនពីសំណាក់មិត្តភក្តិរួមអាជីព និង អ្នកគាំទ្រផងដែរ។

ក្រោយពីរកបានដៃគូស្នេហា គឺលោក យុទ្ធ ឋានៈ គេចាប់អារម្មណ៍ឃើញថា សូដា នីតា កាន់តែប្រឹងប្រែងជាងមុន ដោយនាងបានងាកមកចាប់យកមុខរបរបន្ថែមជាច្រើនដែលមានដូចជា ការលក់ផលិតផលរក្សាសម្រស់ កាបូប និងអចលនទ្រព្យជាដើម។

គួរឱ្យដឹងថា សូដា នីតា ដែលមានវ័យជ្រេទៅហើយនោះ បានអះអាងថា ៤០ ឆ្នាំមកនេះ រូបនាងផ្ទាល់បានចំណាយពេលជួយរ៉ាប់រងនៅក្នុងគ្រួសារដែលមានសមាជិកជាង ១០ នាក់ឯណោះ តែយ៉ាងណានាងនៅតែពេញចិត្តព្រោះនេះ ជាកាតព្វកិច្ចសម្រាប់នាង។ បើតាមគម្រោងនាងគ្រោងនឹងចូលរោងការនៅក្នុងរយៈពេលពីរ ឬ បីឆ្នាំទៀត៕

រូបថត ៖ ហ្វេសប៊ុក