ខេមរៈ សិរីមន្ត ដឹកដៃ ក្មួយស្រី ថត MV ជាមួយ ផ្ទុះការគាំទ្រខ្លាំងមិនធម្មតា!

មិនខុសពីតារាដទៃឡើយលោក ខេមរៈ សិរីមន្ត បានដឹកដៃក្មួយស្រីរបស់ខ្លួនប្រឡូកក្នុង អាជីពសិល្បៈ ដែលមានទាំងការច្រៀងនិង សម្តែង ហើយថ្មីៗនេះ លោកក៏បានលេចមុខរួមគ្នា ជាមួយក្មួយស្រីនៅក្នុងការសម្តែងបទ ចម្រៀងថ្មីមួយដែលកំពុងទទួលបានការចាប់អារម្មណ៍ពីសំណាក់មហាជនជាច្រើន ។

គេចាំបានថាតារាចម្រៀង ខេមរៈ សិរីមន្ត ធ្លាប់បានលេចមុខម្តងរួចហើយ ជាមួយក្មួយស្រីនៅក្នុងការសម្តែង MV បទ «វាលត្រែង វាលស្មៅ» ដែលមើលទៅពិតជាស័ក្តិសម និង ផ្អែមល្ហែមដូច គូស្នេហ៍ពិតៗ។ យ៉ាងណាមិញ សម្រាប់លើកនេះ តារាចម្រៀងរូបនេះ បានបណ្តើរក្មួយស្រីសម្តែងនៅក្នុង បទ «ឆ្លងឆ្នាំពីរនាក់» ដែលនឹងចេញជា MV នៅក្នុងពេលឆាប់ៗនេះទៀតផង តែបើតាមរយៈឈុតខ្លីៗមាន ការចាប់អារម្មណ៍ឃើញថាសម្រស់របស់ក្មួយស្រីតារាចម្រៀង ខេមរៈ សិរីមន្ត ពិតជាស្រស់ ស្អាតខ្លាំងណាស់ជាពិសេសនាងក៏មានទេពកោសល្យសិល្បៈពីកំណើតផងដែរ។ មហាជន សន្និដ្ឋានថា ថ្ងៃក្រោយនាងតូចរូបនេះ ប្រាកដជាមានឈ្មោះបោះសំឡេងខ្លាំង ក្រោយមានការជួយជ្រោមជ្រែងពីសំណា់ក់លោក ខេមរៈ សិរីមន្ត ជាពូបែបនេះ ។

ងាកមក ខេមរៈ សិរីមន្ត ឯណេះក៏មានអារម្មណ៍រីករាយផងដែរ ក្រោយពីបានឃើញការពេញចិត្តពេញថ្លើមពីសំណាក់ហ្វេនៗចំពោះសមត្ថភាពក្មួយស្រីវ័យក្មេងរបស់ខ្លួនដូច្នេះ។ មួយរយៈចុងក្រោយនេះ គេចាប់អារម្មណ៍ឃើញថាតារាចម្រៀង ខេមរៈ សិរីមន្ត កាន់តែមានប្រជាប្រិយភាពខ្ពស់ ដោយលោកមានបទចម្រៀងថ្មីៗជាបន្តបន្ទាប់ ហើយបទដែលកំពុងទទួលបានការពេញនិយមពីសំណាក់មិត្តយុវវ័យ និង ផ្ទុះខ្លាំងនោះ គឺបទដែលមានចំណងជើងថា «ពឺតៗ» ដែល មានអ្នកចូលទស្សនារាប់លានដង៕

រូបថត ៖ ហ្វេសប៊ុក