បាត់មុខមួយរយៈពីសិល្បៈពេលនេះ រិន សាវ៉េត បានចូលផលិតកម្មថ្មីហើយ!
តារាចម្រៀង រិន សាវ៉េត ដែលមហាជនធ្លាប់បានស្គាល់រួចទៅហើយថារូបលោក គឺជាតារាប្រុសនៅក្នុងផលិកម្មរស្មីហង្សមាស ។យ៉ាងណាមិញ ក្រោយពីបានរៀបការជាមួយភរិយាទីពីររួចមក គេពុំសូវឃើញលោកបានចេញជាបទចម្រៀងថ្មីៗនោះទេ ពោលគឺមានភាពស្ងាប់ស្ងាត់ពីជីវិតសិល្បៈតែម្ដង។
ដោយសារតែការបាត់មុខយូរ ទើបធ្វើឱ្យមហាជនឆ្ងល់ថា តើតារាប្រុសរូបនេះ នៅបន្តក្នុងផលិតកម្មរស្មីហង្សមាសដដែល ឬ មួយលោកផ្លាស់ប្ដូរទៅផលិកម្មថ្មីហើយ។
ពាក់ព័ន្ធជាមួយចម្ងល់នេះដែរ កាលពីពេលថ្មីៗនេះ បានធ្វើឱ្យមហាជនមានការចាប់អារម្មណ៍ខ្លាំង នៅពេលដែលហ្វេសប៊ុកផេក BN Production បានបង្ហាញមុខតារាបីដួង ក្នុងនោះក៏មានលោក រិន សាវ៉េត មួយរូបផងដែរ។ អ្វីដែលពិសេស គឺគណនីផេកដដែលនោះបានសរសេរសារថា៖ «សូមស្វាគមន៍ តារាចម្រៀងល្បីទាំង ៣ ដួង មកកាន់ផលិតកម្ម ប៊ី អិន (BN Production) ។ សូមរង់ចាំស្តាប់បទចម្រៀងថ្មីរបស់ពួកគាត់ ដែលនឹងចេញក្នុងផេកផ្លូវការរបស់ផលិតកម្ម ប៊ី អិន ក្នុងពេលឆាប់ៗនេះ!!! អរគុណសម្រាប់ការគាំទ្រ ផលិតកម្ម ប៊ី អិន ជារៀងដ៏រាបមក»៕
