វីវរ ! IG ចិត្ត កញ្ចនា ត្រូវគេលួចយកបង្ហោះរូបអាសអាភាស
នៅព្រឹកថ្ងៃទី ១៤ ខែធ្នូ ឆ្នាំ ២០២០ នេះ តារាចម្រៀង Original Song ចិត្ត កញ្ចនា បានប្រកាសនូវដំណឹងមិនល្អមួយក្រោយពីគណនី IG របស់នាង ត្រូវបានជនខិលខូចលួចយកបាត់ទៅ ។
អ្វីដែលកាន់តែធ្វើឲ្យតារាស្រីរូបនេះ កាន់តែព្រួយបារម្ភទៀតនោះក៏ព្រោះតែ គណនី IG របស់នាងត្រូវបានអ្នកលួចនោះបានបង្ហោះរូបភាពអាសអាភាសផងដែរ ។
ក្នុងនោះដែរ ចិត្ត កញ្ចនា បានបញ្ជាក់ឲ្យដឹងថា គណនី IG របស់នាងត្រូវបានគេលួចយកនៅម៉ោងប្រមាណជា ៥ ព្រឹកនៅថ្ងៃទី ១៤ ខែធ្នូ ឆ្នាំ ២០២០ នេះ ។ កញ្ចនា បានបរៀបរាប់ថា «បើអ្នកបានឃើញជួយ ស៊ែរផង! Instagram account របស់ខ្ញុំត្រូវបានគេ Hacked ប្រហែលម៉ោង ៤ ឬ ៥ ភ្លឺព្រឹកមិញ។ ទទួលបានសារ និង ការ call ជាច្រើន នៅម៉ោង ៥:៤០នាទីព្រឹក តែដល់ពេលនេះ ខ្ញុំចូលលែងបានហើយ ហើយ account ក៏ត្រូវបានគេបិទចោលដែរ។ តើមានអ្នកណាធ្លាប់ជួបបទពិសោធន៍ ឬ មានអ្នកជំនាញណា អាចយក Instagram របស់ខ្ញុំមកវិញបានទេ?! Please help me get my Instagram Account back» ។
គួរឲ្យដឹងថា មកដល់ពេលនេះមហាជនអ្នកគាំទ្រ តារាស្រីខាងលើនេះ បានព្យាយាមស្វែងរកឈ្មោះគណនី IG ដែលមានឈ្មោះ Kanhchna Chet តែត្រូវបានបាត់រូបភាពអស់ហើយ ៕
