រចនា រ៉ាវាឌី បង្ហោះរូប ២ សន្លឹក ព្រមទាំងបន្ថែមសារបង្កប់ យ៉ាងមានអត្ថន័យ!
ហក់ចូលក្នុងវិស័យសិល្បនៃការសម្តែងមិនបានប៉ុន្មានផង រយៈពេលត្រឹម ៣ ឆ្នាំ ប៉ុណ្ណោះតារាស្រីវ័យក្មេង រចនា រ៉ាវាឌី ហាក់ទទួលបានការគាំទ្រយ៉ាងខ្លាំងពីសំណាក់មហាជនគ្រប់វ័យ ។ ក្នុងនោះដែរ រចនា រ៉ាវាឌី បានសាងកេរ្តិ៍ឈ្មោះមិនតិចនោះទេក្នុងការបង្ហាញទេពកោសល្យនៃការសម្តែងរបស់ក្នុងខ្សែភាពយន្ត និង រឿងភាគជាច្រើនផងដែរ ។
ជាការពិត ក្នុងពេលបច្ចុប្បន្ន រចនា រ៉ាវាឌី កាន់តែលេចធ្លោខ្លាំងថែមទៀត ដោយភាគច្រើនសាច់រឿងដែលនាងបានសម្តែងសុទ្ធសឹងតែជាតួកម្សត់ទឹកភ្នែក និង ជាតួឯក ។ ម្យ៉ាងវិញទៀត មិនត្រឹមតែការងារក្នុងវិស័យសិល្បប៉ុណ្ណោះទេ សូម្បីតែជីវិតឯកជនរបស់នាងក៏ត្រូវបានមហាជនចាប់អារម្មណ៍ដូចគ្នាដែរ ។
ជារឿយៗ គេតែងឃើញតារាសម្តែងវ័យ ២០ ឆ្នាំ រូបនេះ តែងតែបង្ហោះសារក្នុងន័យអប់រំ ផ្តល់គំនិត និង លើកទឹកចិត្តជាច្រើនផងដែរ ដល់អ្នកលេងបណ្តាញសង្គមហ្វេសប៊ុក ។ ជាក់ស្តែងដូចនៅថ្ងៃច័ន្ទ ទី ១៤ ខែធ្នូ ឆ្នាំ ២០២០ នេះ រចនា រ៉ាវាឌី បានបង្ហោះរូបភាព ២ សន្លឹក ក្នុងឈុតរ៉ូបខ្លីពណ៌ក្រហមយ៉ាងទាក់ភ្នែក និង សារយ៉ាងមានន័យថា « តាំងខ្លួនឲ្យដូចព្រះអាទិត្យ ទោះត្រូវលិចរាប់ពាន់ដងក៏នៅតែរះសារជាថ្មី » ៕
