ឡុង ថាវរី បង្អួតសម្រស់ជាមួយធម្មជាតិយ៉ាងជឿជាក់!

មិនត្រឹមតែមានសម្រស់ស្រស់សោភាប៉ុណ្ណោះទេ តារាសម្តែងវ័យក្មេង ឡូង ថាវរី ក៏និយមចូលចិត្តការរៀបចំខ្លួនបែបកាលីបទាន់សម័យមិនធម្មតាដែរ ។ យ៉ាងណាមិញថ្មីៗនេះតារាវ័យក្មេងរូបនេះបានចាយរាងបង្អួតសម្រស់ក្នុងឈុតប៊ីគីនីយ៉ាងសិចស៊ី ឃើញហើយពិតជាគួរឱ្យក្នាញ់ ។

មិនមែនជារឿងលំៗទេទម្រាំបានរូបរាង Goal សមសួនបែបនេះ ឡុង ថាវរី តែងចំណាយពេលហាត់ប្រាណមិនថាមិនដែលខកខានឡើយ ដោយសារហេតុនេះទើបស្រីស្អាតរូបនេះមានភាពជឿជាក់ក្នុងការស្លៀកឈុតសិចស៊ីយ៉ាងទាក់ទាញបែបនេះបង្អួតមុខកាមេរ៉ា ។ ក្នុងនោះក៏មានការលើកឡើងពីសំណាក់អ្នកគាំទ្រថាពិតជាស្រស់ស្អាតទាំងព្រម មិនថាទេសភាព និង រូបសម្រស់ដ៏តូចស្រឡូនរបស់ស្រីស្រស់សាចខ្ចី ឡុង ថាវរី ហើយក៏មានបុរសៗជាច្រើនចង់ចូលខ្លួនមកធ្វើជាអ្នកស្អំបេះដូងតារាសម្តែងម្នាក់នេះ ។

បាត់មុខពីអាជីពសិល្បៈជាច្រើនឆ្នាំពេលនេះ ឡុង ថាវរី បានលេចមុខជាថ្មីនៅក្នុងការថតស្ប៉តពាណិជ្ជកម្ម និង MV ហើយអ្វីដែលធ្វើឱ្យនាងរំភើបនោះត្រឡប់មកជាថ្មីលើកនេះគឺបានថតសម្តែងជាមួយកំពូលតារាចម្រៀង ព្រាប សុវត្ថិ ដែលនេះជាលើកដំបូងសម្រាប់នាងបានរួមការងារជាមួយលោក ។ ដោយសារមានការងារជំនួញ នៅក្នុងដៃ ដូចនេះ ឡុង ថាវរី មិនមានឱកាសបានប្រឡូកការងារនេះពេញទំហឹងដូចមុនឡើយ ជាពិសេសការថតរឿងភាគគឺនាងមិនទទួលនោះទេ ៕