អ្នកគាំទ្ររំភើបចិត្ត ក្រោយបែកធ្លាយរូបភាពក្រៅឆាក MKS ថត MV ថ្មីរួមគ្នា

ក្រុមចម្រៀងពេញនិយមកាលពីកំឡុងឆ្នាំ ២០២០ «  MKS» ទើបតែបង្ហើបនូវការវិលត្រលប់សារជាថ្មីរបស់ខ្លួនតាមរយៈរូបភាពលោក ហេង ពិទូ បានបង្ហើកាលពីថ្ងៃទី ១១ ខែធ្នូ ឆ្នាំ ២០២០ នោះ បានធ្វើឲ្យមហាជនអ្នកគាំទ្រទាំងក្មេងទាំងចាស់រំភើបចិត្តយ៉ាងខ្លាំងនៃការជួបជុំគ្នារបស់ក្រុមចម្រៀងនេះក្នុងឆ្នាំ ២០២០ ជាថ្មី ។

ក្នុងនោះក្រោយពីបង្ហើបតម្រួយការចុំគ្នាជាថ្មីរបស់សមាជិកទាំង ៤ រូប ដោយមានលោក ហេង ពិទូ លោក វណ្ណា ពិសិដ្ឋ លោក ម៉ិញ បញ្ញាសុទ្ធ និង លោក ហេង សុភី ហើយនោះ ស្រាប់តែកលពីយប់ថ្ងៃទី ១៧ ខែធ្នូ ឆ្នាំ ២០២០ មហាជនអ្នកគាំទ្រកាន់តែអន្ទះ​សារបន្ថែមទៀត ក្រោយពីរូបភាពក្រៅឆាកនៃការថត MV របស់ក្រុម MKS ត្រូវបានចែករំលែកលើបណ្តាញសង្គមហ្វេសប៊ុក ។

តាមរយៈការបង្ហោះរូបភាពលើផេលផ្លូវការរបស់លោក ហេង ពិទូ បានបញ្ជាក់ច្បាស់ៗថា MKS នឹងវិលត្រឡប់មកវិញ ក្នុងពេលឆាប់ៗ តែលោកមិនបានប្រាប់នៅឡើយទេ ថាបទចម្រៀងត្រៀមនឹងចេញនាពេលខាងមុខនេះ ជាបទចម្រៀងថ្មី ឬ ជាការកែសម្រួលបទចម្រៀងរបស់ MKS ដែលល្បីល្បាញកាលពីមុន ។

ទន្ទឹមនឹងរង់ចាំស្តាប់បទចម្រៀងរបស់ Idol ហើយនោះ អ្នកគាំទ្រជាច្រើនក៏បានបញ្ចេញមតិ និង សំណូមពរដល់ MKS បកស្រាយបទចម្រៀងរបស់ខ្លួនពីមុនៗទៀតផង ៕