ដោយសារតែរឿងនេះ សាឡាត់ ស្រីឡាង ទម្លាយថា ឆ្នាំណាក៏ទិញកាដូ ឱ្យខ្លួនឯងរហូតហ្នឹង

មួយរយៈនេះយើងសង្កេតឃើញថាមានមហាជន ក៏ដូចជាសិល្បៈករ សិល្បៈការិនីជាច្រើនបាននាំថតរូបជុំគ្រួសារ ឬក៏បែបម្នាក់ឯងក៏មាន ព្រមទាំងបានស្លៀកពាក់ជាឈុតពណ៌ក្រហមនៅក្បែរដើមឈើ ណូអែលក្នុងគេហដ្ឋានដែលបានរៀបចំរួចជាស្រេច ដើម្បីត្រៀមទទួលស្វាគមន៍ថ្ងៃបុណ្យ ណូអែល ដែលនឹងប្រព្រឹត្តទៅនៅថ្ងៃទី ២៥ ខែ ធ្នូ ជារៀងរាល់ឆ្នាំ។

ក្នុងនោះផងដែរ យើងសង្កេតឃើញថាមានមនុស្សមិនតិចទេដែលបានត្រៀមរៀបចំកាដូទុកសម្រាប់ពញ្ញាក់អារម្មណ៍មនុស្សជាទីស្រឡាញ់ ក៏ដូចជាមិត្តភក្ដិដើម្បីឱ្យបរិយាកាសកាន់តែមានភាពសប្បាយរីករាយថែមមួយកម្រិតទៀតផងដែរ។

យ៉ាងណាមិញ នៅមុនថ្ងៃបុណ្យណូអែល មកដល់ស្រាប់តែ តារាសម្ដែងដែលមានឈ្មោះល្បីមួយរូបគឺ សាឡាត់ ស្រីឡាង បានរៀបរាប់រឿងមួយដែលនាងដែលប្លែក បែបកំប្លែងមួយថា៖ «ឆ្នាំណាក៏ដូចឆ្នាំណាដែលទិញកាដូឱ្យខ្លួនឯងរហូតហ្នឹង ដោយសារព្រលឹងខ្សោយ គេ Surprise មិនស្រួលគាំងបេះដូង Sweet Sweet អីផុសល្មមៗបានហើយប្រយ័ត្នអស់ល្អ»៕