វ៉ាវ! ឆ្នាំថ្មី រ៉ាប៊ី លេងចាស់ដៃ បញ្ចេញបទថ្មី «រាងអូន Best» ពីរោះខ្លាំង ឯក្បាច់រាំមួយអ៊េម (វីដេអូ)

រ៉ាប៊ី គឺជាតារាចម្រៀងស្រីដ៏មានឈ្មោះបោះសំឡេង និង ល្បីល្បាញមួយរូបក្នុងប្រទេសកម្ពុជា ដោយកន្លងមកបទចម្រៀងរបស់តារាស្រីរូបនេះជាច្រើនបទ តែងតែទទួលបានការគាំទ្រខ្លាំងពីសំណាក់មហាជន ពិសេសមិត្តយុវវ័យតែម្ដង តួយ៉ាងដូចជាបទ «មាន់ស្រែ» ជាដើម បានផ្ទុះការគាំទ្រខ្លាំងណាស់ កាលពីពេលកន្លងទៅ ។

ដោយឡែកចូលដល់ដើមឆ្នាំថ្មី ២០២១ ភ្លាម ស្រីស្អាត រ៉ាប៊ី បានបញ្ចេញបទចម្រៀងដ៏ពីរោះមួយបទទៀត ក្រោមចំណងជើង «រាងអូន Best» ព្រមជាមួយនឹងក្បាច់រាំរស់រវើកបង្ហាញចង្កេះតូចមួយក្ដាប់ កំពុងផ្ទុះការចាប់អារម្មណ៍ជាថ្មីពីសំណាក់ទស្សនិកជន ព្រោះថាបទចម្រៀងថ្មីមួយបទនេះ មិនត្រឹមតែពីរោះត្រូវហ្នឹងចំណូលចិត្តរបស់មិត្តយុវវ័យប៉ុណ្ណោះទេ ចំណែកកាយវិការរបស់ រ៉ាប៊ី ក៏ក្រមិចក្រមើមគួរឱ្យស្រឡាញ់ទៀតផង ។

ដោយសារតែភាពម្ញ៉ិកម្ញ៉ុក អមជាមួយចង្វាក់ភ្លេងថ្មី ចំណែកក្បាច់រាំក៏ថ្មីប្លែក ធ្វើឱ្យបទចម្រៀង «រាងអូន Best» របស់ស្រីស្អាត រ៉ាប៊ី កាន់តែទទួលបានការគាំទ្រច្រើនផុសផុលពីសំណាក់ទស្សនិកជន ដោយបទចម្រៀងមួយបទនេះ ទើបតែបង្ហោះនៅលើបណ្ដាញសង្គមមិនបានប៉ុន្មាន ក៏មានអ្នកចុចចូលទស្សនាជាច្រើន ។ សូមទស្សនាវីដេអូបទចម្រៀងរបស់ស្រីស្អាត រ៉ាប៊ី ខាងក្រោម ៖