អស់ស្ទះ! Jennie បង្ហាញផ្ទះតម្លៃ ៦ លានដុល្លារ ក្នុងថ្ងៃកំណើតគម្រប់អាយុ ២៥ ឆ្នាំ (វីដេអូ)

ជាការពិតណាស់ មហាជនអ្នកគាំទ្រវិស័យចម្រៀង K-Pop ជាច្រើនប្រទេស ប្រាកដជាបានដឹងមកហើយ ពីជីវិតនៃការរស់នៅប្រចាំថ្ងៃ មិនថាតែក្នុងសិល្បៈ និង ក្រៅសិល្បៈរបស់ Jennie សមាជិកនៃក្រុមចម្រៀងល្បីល្បាញ BLACKPINK ដែលនាងត្រូវបានចាត់ទុកថា ជាតារាស្រីដែលមានជីវិតល្អឥតខ្ចោះ ប្រៀបបានទៅនឹងព្រះនាងយ៉ាងដូច្នោះ។

ក្នុងនោះ Jennie មិនត្រឹមតែត្រូវបានអ្នកគាំទ្រចាត់ទុកថាជាតារាចម្រៀងមួយរូប ដែលមានសម្រស់ស្រស់ស្អាត មានស្ទីលតុបតែងខ្លួនទាន់សម័យ មានការរស់នៅរៀនសូត្រល្អតែម្យ៉ាងនោះទេ ប៉ុន្តែបើងាកទៅមើលការងារឯណោះវិញ Jennie បានក្លាយទៅជាតារាស្រីរបស់ប្រទេសកូរ៉េ មាឈ្មោះល្បីល្បាញជាច្រើនប្រទេស ព្រមទាំងបានក្លាយ ជា Brand Ambassador របស់ក្រុមហ៊ុនល្បីៗជាច្រើនទៀតផង ។

ដោយឡែក នៅថ្ងៃទី ១៥ ខែមករា ឆ្នាំ​ ២០២១ កន្លងទៅនេះ ព្រះនាងតូច របស់ BLINK ខាងលើនេះ បានធ្វើឲ្យអ្នកគាំទ្រជាច្រើនបើកភ្នែកធំៗ និង ភ្ញាក់ផ្អើលយ៉ាងខ្លាំងក្រោយពីនាងបានបង្ហាញផ្ទះទំនើបដ៏ស្កឹមស្កៃរបស់ខ្លួនជាលើកដំបូង ក្នុងឱកាសអបអរថ្ងៃកំណើតខួប ២៥ ឆ្នាំ របស់នាង ។ ផ្ទះទំនើបនោះដែរ បានតាមការចុះផ្សាយបានឲ្យដឹងថា មានតម្លៃប្រមាណជា ៥ លានដុល្លារ ទៅ ៦ លានដុល្លារអាមេរិកឯនោះ ។

វីដេអូ នៃការការបង្ហាញសកម្មភាពការរស់នៅប្រចាំថ្ងៃរបស់ Jennie បានធ្វើឲ្យអ្នកទស្សនាជាច្រើន លាន់មាត់ថា តារាស្រីរូបនេះ ពិតជាមានទ្រព្យសម្បត្តិច្រើនមិនធម្មតានោះទេ ។ លើសពីនោះ បើក្រឡេកទៅមើលការតុបតែងក្នុងផ្ទះឯនោះវិញ Jennie ពិតជាមានភាពច្នៃប្រឌិត ព្រមទាំងបានចំណាយប្រាក់មិនស្ទើរទេ ជាមួយនឹងភាពទំនើបយ៉ាងល្អប្រណីតគួរឲ្យចង់រស់នៅក្នុងផ្ទះមួយនេះ ។

តស់ ទស្សនារូបភាព និង វីដេអូទិដ្ឋភាពស្រស់ស្អាតក្នុងផ្ទះរបស់ Jennie ៖

ប្រភព៖ kbizoom