អបអរសាទរ! អេនណា អតីតតារាចម្រៀងផលិតកម្ម M ចូលរោងការថ្ងៃនេះហើយ!

អតីតតារាចម្រៀងប្រចាំផលិតកម្ម M អេនណា បានសម្រេចចិត្តចូលរោងជ័យទៅតាមប្រពៃណីខ្មែរ នៅក្នុងថ្ងៃទី ២២ មករា ឆ្នាំ២០២១ នេះ ក្រោយពីបានភ្ជាប់ពាក្យរយៈពេលជាច្រើនខែ។ ក្នុងឈុតកូនក្រមុំបែបប្រពៃណីខ្មែរ គេសង្កេតឃើញថា អតីតតារាចម្រៀង កូនកាត់ចិនរូបនេះពិតជាស្រស់ស្អាតជាខ្លាំង។

ដោយសារតែពិធីមង្គលការរបស់អតីតតារាចម្រៀង អេន ណា ដែលមានឈ្មោះពិតថា ង៉ែត លីតា ធ្វើឡើងនៅស្រុកកំណើតរបស់នាង ដែលស្ថិតនៅក្នុងខេត្តព្រះសីហនុ ដូចនេះគេមិនទាន់ដឹងថា តើមានមិត្តភក្តិក្នុងសិល្បៈចូលរួម ឬ បែបណាទេ នៅក្នុងពិធីជប់លៀងនៅល្ងាចនេះ។

បើគិតមកដល់ពេលនេះ អេនណា បានបញ្ចប់អាជីពសិល្បៈជាច្រើនឆ្នាំ ដោយមករស់នៅស្រុកកំណើតទាំងប្រជាប្រិយភាពកំពុងស្ទុះឡើង ដែលធ្វើឱ្យអ្នកគាំទ្រមានការសោកស្តាយជាខ្លាំង ប៉ុន្ដែបើនិយាយពីរូបសម្រស់របស់ អេនណា កាន់តែស្អាតប្លែកជាងមុនទៅទៀត។

គេចាំបានថាមុននឹងក្លាយជាតារាចម្រៀងប្រចាំផលិតកម្ម M អេនណា ធ្លាប់ចូលរួមប្រកួតចម្រៀងនៅក្នុងកម្មវិធីមួយរបស់ទូរទស្សន៍ស៊ីធីអិន ជាមួយតារាចម្រៀង ខេម  លោក ណាខុន និង លោក ប៉ែន សារ៉ាវ ជាដើម តែគួរឱ្យស្តាយ អេនណា បានចាកចេញពីអាជីពនេះខណៈមិត្តរួមជំនាន់របស់នាងកំពុងមានឈ្មោះបោះសំឡេងខ្លាំង នៅក្នុងវិស័យនេះ៕

រូបថត ៖ហ្វេសប៊ុក