ជាកំពូលតារា តែស្មានមិនដល់ថា Nadech ចូលចិត្តធ្វើរឿងសាមញ្ញៗទាំងនេះ

សម្រាប់តារាសម្ដែងជួរមុខលោក Nadech អាចនិយាយបានថា ជាតារាប្រុសម្នាក់ដែលទទួលបាននូវប្រជាប្រិយភាពខ្លាំងពីសំណាក់មហាជនអ្នកគាំទ្រ មិនថាក្នុង ឬ ក្រៅស្រុកនោះទេ ដោយសារទេពកោសល្យ និង រូបសម្រស់ដ៏ស្រស់សង្ហារបស់លោក ។

ជាទូទៅ បើគេនិយាយពីតារាល្បីណាមួយ ភាគច្រើនគេតែងឃើញអ្នកទាំងអស់នោះលេងឫក លេងពា ប្រកាន់ខ្លួន ព្រោះគិតថាខ្លួនជាបុគ្គលល្បី ។ យ៉ាងណាមិញ បើងាកទៅមើលតារាសម្ដែងប្រុសជួរមុខលោក Nadech ឯណោះវិញ ថ្វីដ្បិតតែលោកជាតារាល្បី មានប្រជាប្រិយភាព តែតារារូបនេះហាក់មិនប្រកាន់ខ្លួនឫកពាអ្វីឡើយ ។

ជាក់ស្ដែង មួយរយៈមុន នៅថ្ងៃលោកនាំម្ដាយទៅដើរលេងកម្សាន្តតាមខេត្ត លោកពិតធ្វើឱ្យមហាជនអ្នកគាំទ្រភ្ញាក់ផ្អើលយ៉ាងខ្លាំងខណៈដែលឃើញលោកស្លៀកខោខ្លីជិះម៉ូតូអត់ពាក់ស្បែកជើងធ្វើរំភើយ ទាំងអារម្មណ៍សប្បាយរីករាយ ដោយពុំមានខ្មាសនរណាម្នាក់ឡើយទោះបីមានគេស្គាល់លោកច្រើនក៏ដោយ ។

ជុំវិញនឹងឃើញរូបភាពកម្របែបនេះ បានធ្វើឱ្យមហាជនថតរូបបង្ហោះអួតសរសើរលោកពេញបណ្ដាញសង្គមថាជាតារាដែលសាមញ្ញ មិនខ្វល់ពីភាពល្បីរបស់ខ្លួន ពិតជាគួរឱ្យសរសើរណាស់ ៕