ផ្ទុះការសរសើរ! តួអង្គទេវធីតាឆ្នាំថ្មី ព្រះនាងមណ្ឌាទេវី ស្អាតយ៉ាងនេះជាម្ចាស់មកុដបវរកញ្ញា និងតារាសម្តែងរូបនេះសោះ

ជាការពិតណាស់ ជារៀងរាល់ឆ្នាំងបងប្អូនប្រជាជនខ្មែរ តែងតែចូលរួមទស្សនាការផ្សាយកម្មវិធីទទួលទេវតាឆ្នាំថ្មី តាមរយៈការចាក់ផ្សាយលើកញ្ចក់ទូរទស្សន៍ជាតិកម្ពុជា (ទទក) និង ការចាក់ផ្សាយបន្តតាមបណ្តាទូរទស្សន៍នានា ។ ក្នុងនោះ បើតាមការសង្កេតមើលការសម្តែងយាងចុះនៃទេវធីតាឆ្នាំថ្មីវិញ ក៏តែងតែមានការចាប់អារម្មណ៍យ៉ាងខ្លាំងពីសំណាក់អ្នកទស្សនា ។ ជាពិសេសនោះ គឺតួអង្គទេវធីតាឆ្នាំថ្មីតែម្តង ។

នៅក្នុងឆ្នាំ ២០២១ តួអង្គដែលជាទេវធីតាតំណាងកូនរបស់កបិលមហាព្រហ្មទាំង ៧អង្គ គឺស្រស់ស្អាត និង ស្រស់សោភាដូចៗគ្នា ។ ជាក់ស្តែង តួអង្គទេវធីតាឆ្នាំថ្មី ឆ្នាំឆ្លូវ ព្រះនាង មណ្ឌាទេវី គឺពិតជាមានការចាប់អារម្មណ៍យ៉ាងខ្លាំងពីសំណាក់អ្នកទស្សនា ក៏ព្រោះតែកញ្ញាមួយរូបនេះ គឺពិតជាស្រស់ស្អាតយ៉ាងខ្លាំង ។

នារីដ៏ស្រស់ស្អាត តំណាងឲ្យទេវធីតាឆ្នាំថ្មី ឆ្នាំឆ្លូវ នេះមានឈ្មោះថា សាន្ត កុសុមៈ គឺជានិស្សិតនៃសាកលវិទ្យាល័យ ប៊ែលធីអន្តរជាតិ ហើយអ្វីដែលសំខាន់នោះ កញ្ញាគឺជាបវរកញ្ញាគ្រងមកុដ «ធីតាឯកសង្ក្រាន្តឆ្នាំ ២០២១» ។ លើសពីនោះ កញ្ញា សាន្ត កុសុមៈ ក៏ជាតារាសម្តែង និង ជាតួឯកស្រីក្នុងខ្សែរឿង «នគរមាស» ទៀតផង ៕