ណុប បាយ៉ារិទ្ធ ស្រាប់តែនិយាយពីរឿងបវរកញ្ញាកម្ពុជាបែបនេះ ផ្អើលអ្នកគាំទ្រទាំងព្រឹក

វេលានៃវគ្គផ្តាច់ព្រ័ត្រនៃការប្រកួតកម្មវិធី Miss Universe 2020 នៅឯរដ្ឋ Florida សហរដ្ឋអាមេរិក ក៏កាន់តែកៀកមកដល់ឆាប់ៗខាងមុខនេះ ហើយសន្ទុះនៃការគាំទ្របេក្ខភាពរបស់ Miss Universe តំណាងប្រទេសនីមួយៗ ក៏កាន់តែកើនឡើងៗតាមរយៈការចែករំលែក និង ចូលរួមដាក់ពិន្ទុតាម Online ទៀតផង ។

ដោយឡែកប្រទេសកម្ពុជា ដែលមានកញ្ញា រ៉េត សារីតា​ ដែលជាបវរកញ្ញាឯក និង ជាបេក្ខភាពកំពុងបោះជំហានទៅឆាកអន្តរជាតិខាងលើនេះ ក៏ត្រូវបានមហាជនអ្នកគាំទ្រទាំងក្នុង និង ក្រៅប្រទេសគាំទ្រ មានទំនុកចិត្ត និង​ ជឿជាក់ថា​ Miss Universe Cambodia 2020 រូបនេះនឹងឈានទៅដល់វគ្គ Top ជាមិនខាន ។

បើក្រឡេកមកកាន់អ្នកគាំទ្រនៅក្នុងប្រទេសកម្ពុជាឯនេះ មហាជនអ្នកលេងបណ្តាញសង្គមហ្វេសប៊ុកបានសង្កេតឃើញថា លោក ណុប បាយ៉ារិទ្ធ តារាចម្រៀងជួរមុខ និង ជារៀមច្បងក្នុងវិស័យសិល្បៈចាស់វស្សារូបនេះ ក៏បានចូលរួមគាំទ្រយ៉ាងពេញទំហឹងដល់ MUC ផងដែរ ។ លើសពីនោះ ថ្មីៗនេះតារាប្រុសរូបនេះ ក៏បានបង្ហោះសារចោទជាសំណួរចាក់ដោតដល់អ្នកគាំទ្រ Miss Universe ទាំងអស់ ធ្វើឱ្យមានការចាប់អារម្មណ៍យ៉ាងខ្លាំងពីអ្នកលេងហ្វេសប៊ុក ។

លោក ណុប បាយ៉ារិទ្ធ សួរថា «ចូលចិត្តបេក្ខភាពតំណាងប្រទេសណា គឺជាសិទ្ធិនៃការពេញចិត្ត តែគួរកុំភ្លេចពេញចិត្តបេក្ខភាពតំណាងប្រទេសកំណើតរបស់យើងដូចគ្នា ព្រោះជោគជ័យជាកិត្តិយសរបស់ប្រទេសយើងទាំងមូល ។ សួរបេះដូងខ្លួនឯងតើយើងគ្រប់គ្នា ចង់ឃើញបេក្ខភាពរបស់កម្ពុជាទទួលបានជោគជ័យទេ? បើចង់ក្រៅពីការប្រឹងប្រែងរបស់គាត់ តើយើងទាំងអស់គ្នាអាចជួយគាត់បានអ្វីខ្លះ? គាំទ្របេក្ខភាពតំណាងប្រទេសយើង MISS UNIVERSE CAMBODIA អាចបោះឆ្នោតគាំទ្រគាត់បានតាមរយៈ app miss universe» ៕