ផ្ទុះផ្អើលអ្នកគាំទ្រ ក្រោយបែកធ្លាយរូប រ៉េត សារីតា Miss Universe Cambodia កាលពីក្មេង

មហាជនអ្នកគាំទ្រ ជាច្រើនបានសរសើរទៅលើរូបសម្រស់ដ៏ស្រស់សោភាពីធម្មជាតិរបស់ Miss Universe Cambodia 2020 កញ្ញា រ៉េត សារីតា មកហើយដែរ ក៏ព្រោះទម្រង់មុខដ៏ស្រស់ស្អាត សម្បុរសស្រអែម រាងរៅក៏ស័ក្ដិសមនឹងដងខ្លួន ។

ថ្វីដ្បិតបែបនេះក្ដី មហាជនអ្នកគាំទ្រកញ្ញា រ៉េត សារីតា ភាគច្រើនបានឃើញរូបនាងនៅពេលបានធំពេញរូបពេញរាងក្លាយជាតារាល្បីហើយ ប៉ុន្ដែជឿថាអ្នកគាំទ្រជាច្រើននៅមិនទាន់បានឃើញមុខមាត់ឃ្យូដៗគួរឱ្យស្រឡាញ់របស់នាងនៅឡើយនោះទេ ។

យ៉ាងណាថ្មីៗនេះ តាមផេក Team Cambodia បានបង្ហោះរូបភាពជាច្រើនសន្លឹកពីកុមារភាពរបស់ម្ចាស់មកុដ Miss Universe Cambodia 2020 កញ្ញា រ៉េត សារីតា ធ្វើឱ្យអ្នកគាំទ្រមានការចាប់អារម្មណ៍យ៉ាងខ្លាំង ។ លើសពីនោះ រូបថតទាំងនោះបើ រ៉េត សារីតា បានថតរួមគ្នានឹងប្អូនៗមែន ប៉ុន្តែអ្នកគាំទ្រមើលគឺមិនច្រឡំនោះឡើយ ក៏ព្រោះតែកាលពីកុមារ និង ពេលនេះនាងពិតជាមានមុខមាត់ឃ្យូដ ស្នាមញញឺមមានមន្តស្នេហ៍ដូចគ្នា ។

តស់! ទៅទស្សនារូបភាពកញ្ញា រ៉េត សារីតា កាលពីកុមារខាងក្រោមនេះ ៖