សមជាតួឯកស្រីជួរមុខមែន Dilraba បង្ហាញខ្លួនលើកណា ក៏ទាក់ទាញគ្រប់ជ្រុង

តារាសម្ដែងស្រីចិន Dilireba សម្ដែងជាតួអង្គ កញ្ជ្រោងកន្ទុយ ៩ ក្នុងខ្សែភាពភាគចិន «និស្ស័យស្នេហ៍ទេវតា ៣ ជាតិ» ពេលនេះបានក្លាយជាតារាស្រីជួរមុខមានទស្សនិកជនស្រឡាញ់គាំទ្រកាន់តែច្រើនឡើងពីមួយថ្ងៃទៅមួយថ្ងៃ ។

តារាស្រី Dilireba មិនត្រឹមតែបង្ហាញមុខសម្ដែងក្នុងខ្សែភាពយន្តបុរាណចិនល្បីៗជាច្រើនរឿង ដែលសុទ្ធសឹងតែទទួលបានការគាំទ្រច្រើនក្រាស់ក្រែលពីសំណាក់ទស្សិកជនប៉ុណ្ណោះទេ ហើយលើសពីនេះ នាងក៏ចាត់ទុកជាកំពូលតារាស្រីល្បីល្បាញមួយរូបទាំងវ័យក្មេងផងដែរ។

ភាពល្បីល្បាញយ៉ាងឆាប់រហ័សរបស់តារាស្រីចិន Dilireba គឺដោយសារតែនាងមានភាពប៉ិនប្រសប់ក្នុងការសម្ដែង ហើយលើសពីនេះ នាងក៏មានមុខមាត់ស្អាតទាក់ទាញ កម្ពស់កម្ពរក៏បានថែមទៀត ហើយលើសពីនេះ នាងក៏មានដងខ្លួនតូចច្រឡឹង ចង្កេះមួយក្ដាប់ គួរឱ្យគយគន់មិនជិនណាយនោះទេ ។

ប្រិយមិត្តភាគច្រើនបានឃើញ ស្រីស្រស់ Dilireba ច្រើនតែក្នុងសម្លៀកបំពាក់ក្នុងរឿងបុរាណចិន កម្របានឃើញនាងស្លៀកពាក់ជានារីសម័យថ្មីណាស់ ។ ស្រាប់តែថ្មីៗនេះ Dilireba បានធ្វើឱ្យមហាជនស្រឡាំងកាំង ជញ្ជក់មាត់សរសើរ ក្រោយឃើញនាងរំលេចខ្លួនជាមួយរ៉ូបពណ៌ក្រហម ឆ្លុះសាច់សខ្ចី បង្អួតស្នាមញញឹមលើឆាកយ៉ាងទាក់ទាញបំផុត ៕