Alek Teeradetch ងងឹតមុខស្លុប មុខរបរថ្មីបើកបានជាង ៣ ខែ ត្រូវរលាយខ្សុល

លោក Alek Teeradetch គឺជាតារាសម្ដែងប្រុសម្នាក់ដែលមានប្រជាប្រិយភាពខ្លាំង ដែលលោកជាគ្រាប់ពេជ្រម្នាក់ក្នុងស្ថានីយទូរទស្សន៍ប៉ុស្តិ៍លេខ ៣ ថៃ ។ បើទោះបីជាពេលនេះ ជំងឺកូវីដនៅតែរាតត្បាតខ្លាំងយ៉ាងណាក៏ដោយ តែតារាប្រុសរូបនេះនៅតែទទួលបានការអញ្ជើញជាតារាកត្តិយសពីកម្មវិធីនាៗជាបន្តបន្ទាប់ ។

ដោឡែកនៅ ថ្ងៃទី ២ ខែកក្កដា ឆ្នាំ ២០២១ នេះ បានបង្ហើបពីបញ្ហាដែលលោកកំពុងតែជួបប្រទះនៅក្នុងកម្មវិធី The Eyes Live Studio ដែលលោកទទួលកិត្តិយសធ្វើជាពិធីករនៅក្នុងកម្មវិធីនោះថា «ហាងតែរបស់លោកមកទល់ពេលនេះបើកបានជាង ៣ ខែហើយ តែដោយសារបញ្ហាកូវីដ-១៩ និង ការចេញវិធានការថ្មីរបស់រដ្ឋាភិបាល ហាមមិនឱ្យមានមនុស្សជួបជុំ អង្គុយផឹកនៅក្នុងហាង បានធ្វើឱ្យលោកពិបាកនឹងទប់ទល់តែម្តងទៅលើការចំណាយគ្មានចំណូល រហូតលោកគិតថាអាចនឹងបិទប្រសិនបើស្ថានភាពនៅតែបន្តបែបនេះ» ។

យ៉ាងណាមិញ លោកក៏បានបន្ថែមពីលើទៀតថា មុនពេលមិនទាន់មានកូវីដ-១៩ ចូលគំហុកខ្លាំងដូចពេលនេះ ពីមុនហាងរបស់លោកដំណើរការល្អធម្មតា ថែមទាំងមានភ្ញៀវច្រើនគួរសមទៀតផង ៕