ប្រាសាទអង្គរវត្ត ល្បីខ្ទរខ្ទារ តារាល្បីៗលើពិភពលោកសុខចិត្តហោះពីឆ្ងាយ ដើម្បីមកឃើញផ្ទាល់នៅកម្ពុជា
ប្រាសាទអង្គរវត្ត ជាប្រាសាទព្រហ្មញ្ញសាសនាធំបំផុត និង ជាវិមានសាសនាដ៏ធំបំផុតនៅក្នុងលោក ដែលប្រាសាទនេះត្រូវបានកសាងឡើងដោយ ព្រះបាទសូរ្យវរ្ម័នទី ២ ជាស្នាដៃដ៏ធំចម្បងអស្ចារ្យ និងបានឆ្លាក់ជាប់នឹងទង់ជាតិខ្មែរយើង ថែមទាំងមានឈ្មោះល្បីល្បាញរន្ទឺសុសសាយ ។
ភាពអច្ឆរិយៈ រុងរឿងសុសសាយនេះហើយ បានធ្វើឱ្យតារាល្បីៗលើពិភពលោកមួយចំនួន បានចាប់អារម្មណ៍ចង់ដឹង ចង់ស្គាល់ ដោយសុខចិត្តចំណាយពេលវេលាដ៏ឆ្ងាយក្នុងការជិះយន្តហោះមកកាន់ទឹកដីក្រុងអង្គរខ្មែរយើង ដើម្បីឱ្យបានឃើញទិដ្ឋភាពដ៏ល្អឥតខ្ចោះ មានតែមួយគ្មានពីរលើពិភពលោកនេះ ។
១. តារាកំប្លែងសាក់ឡូ ឬ Charlie Chaplin
តារាកំប្លែងដ៏ល្បីល្បាញក្នុងសតវត្សទី ២០ រូបនេះ បានមកទស្សនាប្រាសាទអង្គរវត្ត នៅអំឡុងឆ្នាំ ១៩៣៦ ។
២. តារាសម្ដែង Angelina Jolie
តារាសម្តែង និងជាអ្នកផលិតខ្សែភាពយន្តអាមេរិករូបនេះ ធ្លាប់បានមកប្រទេសកម្ពុជា ក៏ដូចជាបានចូលទស្សនាប្រាសាទអង្គរវត្ត និងតំបន់រមណីយដ្ឋានអង្គរទាំងមូលច្រើនលើកដែរ ប៉ុន្តែពេលដែលលោកស្រីមកទស្សនាអង្គរដំបូងបង្អស់ គឺនៅអំឡុងឆ្នាំ ២០០០ ។
៣. ថៅកែក្រុមហ៊ុន Facebook លោក Mark Zuckerberg
នាយកប្រតិបត្តិក្រុមហ៊ុន Facebook និងភរិយា បានមកទស្សនានៅអំឡុងឆ្នាំ២០០៧ ។
៤. តារាសម្ដែងម៉ារីម៉ា ឬ Marian Rivera និងស្វាមី
តារាសម្ដែងជួរមុខប្រចាំប្រទេសហ្វីលីពីន នាង Marian Rivera និងលោក Dingdong Dantes បានធ្វើដំណើរមកកាន់ទឹកដីអង្គរនៅអំឡុងឆ្នាំ ២០១២ ។
៥. តារាសម្ដែង Jeanette Aw
តារាសម្ដែងដ៏ល្បីប្រចាំប្រទេសសិង្ហបុរីរូបនេះ បានមកទស្សនាប្រាសាទអង្គរវត្តក្នុងអំឡុងឆ្នាំ ២០១៤ ។
៦. តារាចម្រៀង Beyonce និងស្វាមី
តារាចម្រៀងអាមេរិកដ៏ល្បីល្បាញរូបនេះ បានមកទស្សនាប្រាសាទអង្គរវត្តក្នុងអំឡុងឆ្នាំ ២០១៥ ។
៧. អតីតកីឡាករបាល់ទាត់ David Beckham
អតីតតារាបាល់ទាត់អង់គ្លេស បានមកទស្សនានៅអំឡុងឆ្នាំ២០១៥ ។
៨. តារាចម្រៀង Ed Sheeran
តារាចម្រៀងអង់គ្លេសដ៏ល្បីរូបនេះ បានមកទស្សនានៅអំឡុងឆ្នាំ២០១៩ ៕
