អ្នកគាំទ្រស្រងាកចិត្ត នៅសុខៗ ថេណា បង្ហោះថាមិនចេញចម្រៀងក៏មិនស្លាប់ដែរ
កាលពីថ្ងៃទី ០៥ ខែកុម្ភៈ ឆ្នាំ ២០២១ កន្លងទៅ តារាចម្រៀង Original Song ថេណា បានធ្វើឲ្យមហាជនអ្នកគាំទ្រមានការភ្ញាក់ផ្អើល និង ខកចិត្តយ៉ាងខ្លាំងដោយតារាប្រុសមានប្រជាប្រិយភាពរូបនេះ បានរៀបរាប់ថា ខ្លួននឹងផ្អាកក្នុងការផលិតបទចម្រៀងថ្មី និង មិនច្បាស់ថានឹងអាចត្រឡប់មកធ្វើវាម្តងទៀតនៅពេលណា ?
ក្រោយពីផ្អាកសកម្មភាពសិល្បៈអស់រយៈពេលប្រមាណជា ៤ ខែ ស្រាប់តែ ថេណា បានបង្ហាញវត្តមានជាមួយនឹងរូបថតថ្មីៗ សង្ហាៗជាច្រើន ធ្វើឱ្យអ្នកគាំទ្រ និង អ្នកលេងបណ្តាញសង្គមហ្វេសប៊ុក ត្រេកអរ ព្រមទាំងស្វាគមន៍ការវិលត្រឡប់មកកាន់វិថីចម្រៀងជាថ្មីរបស់លោក ។
យ៉ាងណាមិញ ស្រាប់តែនៅថ្ងៃទី ០៩ ខែកក្កដា ឆ្នាំ ២០២១ នេះ តារាចម្រៀង Original Song រូបនេះ បានបង្ហោះរូប ២ សន្លឹកថ្មីផ្សេងទៀត ធ្វើឱ្យអ្នកគាំទ្រទប់ចិត្តមិនបានចូលខមមិន ចូល Like និង Share រាប់ K ។ អ្វីដែលកាន់តែចាប់អារម្មណ៍នោះ ថេណា បានភ្ជាប់នូវសារមួយក្នុងន័យថា បើលោកមិនចេញចម្រៀងក៏លោករស់ដែរ ។
ឃ្លាដែលបានបង្ហោះឡើងធ្វើឱ្យអ្នកគាំទ្រកំពុងគិតសង្ស័យថា ជាន័យពិត ឬ គ្រាន់ជាការលេងសើចនោះ ថេណា បានរៀបរាប់ថា «ថ្ងៃធ្វើនៅការ៉ាសសាំង យប់ធ្វើនៅម៉ាត មិនចេញចម្រៀងក៏មិនស្លាប់ដែរ» ៕
