ធ្លាប់ឃើញកាន់តែក្បាលមៃក្រូធ្វើពិធីការិនី ស្រាប់តែ ឌីជេ ណាណា បញ្ចេញក្បាច់រាំម្ដង ផ្អើលអ្នកគាំទ្រ (វីដេអូ)

អ្នកនាង សុវ៉ាតនា ហៅថា ឌីជេ ណាណា ដែលជាពិធីការិនីមួយរូបដ៏មានប្រជាប្រិយភាព មានភាពលេចធ្លោខ្លាំងក្នុងបណ្ដាញសង្គម ជាពិធីការិនីពោរពេញទៅដោយវោហារស័ព្ទចាក់ទឹកមិនលេច តែងតែផ្តល់នូវចំណេះដឹង ក៏ដូចជាការលើកទឹកចិត្តដល់ស្ត្រី និង យុវវ័យនៅលើបណ្ដាញសង្គម ។

អ្វីដែលគួរឱ្យចាប់អារម្មណ៍នោះ គឺចាប់តាំងពី ឌីជេ ណាណា មានឈ្មោះល្បីល្បាញមក ធ្លាប់តែឃើញអ្នកនាងកាន់ក្បាលមៃក្រូធ្វើជាពិធីការិនីក្នុងកម្មវិធីផ្សេងៗ ដោយឡែកថ្មីៗនេះ ស្រាប់តែធ្លាយវីដេអូខ្លីមួយ ដែលបានឃើញអ្នកនាងបញ្ចេញនូវក្បាច់រាំយ៉ាងរស់រវើកគួរឱ្យចាប់អារម្មណ៍ និង ភ្ញាក់ផ្អើលមែនទែន ។

ក្នុងវីដេអូខ្លីនេះ ក៏បានភ្ជាប់ជាមួយសារមួយដែល ឌីជេ ណាណា បានសរសេររៀបរាប់លាយឡំជាមួយនឹងភាពលេងសើចថា «ប៉ាអូនវីន ធ្វើស៊ីសាហាវ…និយាយមែន គ្មាននរណាសាំជាងប្ដីខ្ញុំទេ! ប្រពន្ធចូលចិត្ត Hip Hop ប្តីបុរាណចំ ចេញទៅជាអ៊ីចឹងទៅ ។ បទចម្រៀងដែលខ្ញុំស្ដាប់ក្នុងត្រចៀកពេលហាត់ប្រាណ និង បទចម្រៀងដែលប្ដីបញ្ចូលសំឡេង ខុសគ្នាដាច់ស្រឡះ ។ ហួសចិត្តពេក បង្ហោះឲ្យប្រិយមិត្តបានសើចដែរតែម្តងទៅ»។

វីដេអូខ្លីរបស់ ឌីជេ ណាណា នេះ កំពុងតែទទួលបានការចាប់អារម្មណ៍ជាខ្លាំងពីសំណាក់មហាជនអ្នកលេងបណ្ដាញសង្គមជាច្រើន ដោយចូលទៅខមមិនគ្រប់ៗគ្នា ដែលអ្នកខ្លះថា «ជាលើកទី ១ ហើយ ដែលបានឃើញ ឌីជេ ណាណា រាំ» ។ រីឯអ្នកខ្លះទៀតថា «ទើបដឹងថ្ងៃនេះទេលោកព្រះ មើលពីក្រៅមិនដឹងថា ណាណា ចូលចិត្តអ៊ីចឹងដែរសោះ រឹតតែត្រូវចិត្តចែហើយ» ៕

សូមចូលទស្សនាវីដេអូខាងក្រោម៖