ឡានសឹងតែពេញផ្ទះហើយ ឈួន សុវណ្ណឆៃ នៅទិញឡានស៊េរីទំនើប ថែមមួយគ្រឿងទៀត
តារាស្រីជើងចាស់ ឈួន សុវណ្ណឆៃ ដែលជាមេម៉ាយកូនបី ដោយគេសម្គាល់ឃើញថាជាស្រ្ដីមេម៉ាយដ៏មានទ្រព្យសម្បត្តិស្ដុកស្ដមម្នាក់ រស់នៅក្នុងជីវិតមួយយ៉ាងមានក្ដីសុខ ពោរពេញដោយភាពរីករាយ និងមានភាពហាយសូ។
យ៉ាងណាមិញ សង្កេតឃើញថា អ្នកមេម៉ាយរូបនេះ សព្វថ្ងៃរស់នៅក្នុងផ្ទះវីឡាមួយដ៏ស្កឹមស្កៃតម្លៃរាប់សែនដុល្លារ ថែមទាំងមានរថយន្តទំនើបៗជាច្រើនគ្រឿងដាក់តំរៀបគ្នាពេញបរិវេណផ្ទះតែម្ដង។
អ្វីដែលគួរឱ្យចាប់អារម្មណ៍ខ្លាំងនោះ មានឡានជិះត្រៀបត្រាបែបនេះទៅហើយ ស្រាប់តែឃើញថ្មីៗនេះ អ្នកមេម៉ាយស្ដុករូបនេះ បានបញ្ចេញឡានស៊េរីទំនើបថ្មីមួយទៀតលើបណ្ដាញសង្គម ដែលទើបតែទិញបកពីស្រោមថ្មីៗយ៉ាងស្រឡាងតែម្ដង គឺរថយន្តម៉ាក Ford Raptor2021 ដែលតម្លៃរាប់ម៉ឺនដុល្លារ ដោយនេះពិតជាសក្តិសមនឹងងារដែលគេបានដាក់ឱ្យជា មេម៉ាយទ្រព្យស្ដុក មែន។
ជាមួយគ្នានោះ បើក្រឡេកទៅលើឡានស៊េរីទំនើបៗរបស់ អ្នកមេម៉ាយរូបនេះ ទាំងអស់ គឺមានម៉ាក Rolls Royce ចំនួន ១គ្រឿង, Alphard ចំនួន ១គ្រឿង, Lexus Lx570 ចំនួន ២គ្រឿង, Ford ចំនួន ១គ្រឿង ព្រមទាំងទើបទិញថែម Ford ស៊េរីថ្មីមួយគ្រឿងទៀត សរុបទាំងអស់គឺរហូតដល់ ៦គ្រឿងហើយ៕
