៥ រឿងនេះហើយ បុកឱ្យ Baifern ឡើងដល់កំពូល ក្លាយតារាស្រីលេចធ្លោបំផុតក្នុងសិល្បៈ
តារាសម្ដែងស្រីប្រជាប្រិយភាព Baifern Pimchanok ជាតារាសម្ដែងស្រីថៃមួយរូប ត្រូវបានអ្នកគាំទ្រ និង ទស្សនិកជនទទួលស្គាល់ពីសមត្ថភាពសម្ដែងដ៏ប៉ិនប្រសប់ ជាមួយនឹងរូបសម្រស់ស្រស់ស្អាតរបស់នាងផងដែរ ។
ជាមួយគ្នានោះ មានរឿងភាគ និង ខ្សែភាពយន្តទាំង ៥ រឿងរបស់តារាស្រីថៃរូបនេះ ដែលទទួលបានការគាំទ្រយ៉ាងខ្លាំងពីសំណាក់ទស្សនិកជន ទាំងក្នុង និង ក្រៅប្រទេសជាច្រើនផ្សេងទៀត ។
១). រឿង A Little Thing Called Love
នេះគឺជារឿងដំបូងដែលធ្វើឱ្យ Baifern ទទួលបានប្រជាប្រិយភាព ក្នុងការគាំទ្រយ៉ាងខ្លាំងពីទស្សនិកជន ដែលបានដើរជាតួឯកស្រី ថតសម្ដែងជាមួយនឹងតារាសម្ដែងប្រុសរូបសង្ហា Mario Maurer ក្នុងឆ្នាំ ២០១០ ។
២). រឿង Friend Zone
«Friend Zone» គឺខ្សែភាពយន្តមួយរបស់នាង ដែលបានដាក់បញ្ចាំងនៅក្នុងរោងកុន សម្រាប់រឿងនេះមួយ Baifern នាងបានចាប់ដៃគូសសម្ដែងជាមួយនឹងតួឯកប្រុសសង្ហា លោក Nine Naphat ។ ភាពយន្តមួយនេះ ក៏ទទួលបានការគាំទ្រខ្លាំងផងដែរ ទាំងក្នុង និង ក្រៅប្រទេស ។
៣). រឿង The Con-Heartist
រឿងនេះ ក៏មិនខុសពីរឿងខាងលើដែរ Baifern នាងបានចាប់ដៃគូសម្ដែងជាមួយនឹងតារាសម្ដែងប្រុសដ៏ល្បី លោក Nadech Kugimiya ។ ខ្សែភាពយន្តដែលចាក់បញ្ចាំងនៅក្នុងរោងកុនមួយនេះ គឺជាប្រភេទរឿងបែបកំប្លែង និង មានឈុតឆាកមនោសញ្ចេតនា លាយឡំគ្នាយ៉ាងជក់ចិត្ត ។ ឆ្លើយតបនឹងមតិការគាំទ្រពីទស្សនិកជន ទាំងក្នុង និង ក្រៅប្រទេសជាច្រើនផងដែរ ។
៤). រឿង Lhong Fai
បន្ទាប់ពីសម្តែងក្នុងរឿង «Lhong Fai» ប្រជាប្រិយភាពរបស់ Baifern រឹតតែកើនឡើងជាលំដាប់ ហើយសន្ទុះការគាំទ្រពីទស្សនិកជនក៏ច្រើនឡើងគួរឱ្យកត់សម្គាល់ផងដែរ ។
៥). រឿង Bai Mai Tee Plid Plew
បើនិយាយអំពីរឿងភាគចុងក្រោយនេះ ទាំងការសម្ដែង និង សាច់រឿង គឺត្រូវបានទស្សនិកជនគាំទ្រយ៉ាងពេញទំហឹង តារាសម្ដែងស្រីរូបនេះ បានចាប់ដៃគូសម្ដែងជាមួយនឹងលោក Dj Push ។ សម្រាប់រឿងនេះដែរ Baifern នាងបានឈ្នះពានរង្វាន់ជា «តួឯកស្រីឆ្នើម» នៅក្នុងឆ្នាំ ២០២០ ផងដែរ ៕
