ម៉ាក់ Goal មែន! ស្ងាត់ៗ សឿន ផានផាភួង ជះលុយរាប់ម៉ឺនទិញឡានខ្លាញ់គោ កាដូឱ្យកូនស្រី

ដូចដែលមហាជនបានជ្រាបរួចហើយ ពីតារាសម្ដែងស្រីជើងចាស់ សឿន ផានផាភួង ដែលមានភាពល្បីល្បាញខ្លាំង ដោយទទួលបានការស្រឡាញ់គាំទ្រពីសំណាក់មហាជនតាមរយៈការសម្ដែងខ្សែភាពយន្តខ្មែរជាច្រើន ។

ជាមួយគ្នានេះ អ្នកគាំទ្រក៏បានដឹងថា តារាស្រីរូបនេះ មានកូនស្រីដ៏ស្រស់ស្អាត និង គួរឱ្យស្រឡាញ់ម្នាក់ ឈ្មោះថា អាង សុជាតា ដែលបានប្រឡូកក្នុងវិស័យសិល្បៈ ជាតារាសម្ដែងដ៏មានប្រជាប្រិយភាពដូចនឹងអ្នកម៉ាក់ផងដែរ ។

យ៉ាងណាមិញ គេសង្កេតឃើញថា តារាសម្ដែងស្រីជើងចាស់រូបនេះ ពិតជាស្រឡាញ់កូនស្រីរូបនេះខ្លាំង ដែលចាត់ទុកដូចជាកែវភ្នែករបស់នាង ដោយតែងតែឃើញរូបនាងធ្វើអ្វីពិសេសៗសម្រាប់កូនស្រីជាទីស្រឡាញ់ ដែលបង្ហាញលើបណ្ដាញសង្គមជារឿយៗ ។

ជាក់ស្ដែងថ្មីៗនេះ កាន់តែចាប់អារម្មណ៍ ក្រោយបានឃើញ សឿន ផានផាភួង បានទិញរថយន្តយ៉ាងថ្មីសន្លាងតម្លៃខ្ទង់ម៉ឺនដុល្លារ ជាកាដូសម្រាប់កូនស្រីរបស់នាង ដែលមិនមែនជាថ្ងៃខួបកំណើត ឬ ថ្ងៃពិសេសអ្វីឡើយ ។ នេះបើការបង្ហោះរបស់ អាង សុជាតា ដែលបានធ្វើការបង្ហាញសេចក្ដីរំភើប និង អរគុណចំពោះម្ដាយរបស់នាង ដែលបានសរសេរថា «អរគុណម៉ាក់សម្រាប់គ្រប់យ៉ាងដើម្បីកូន» ។

ទន្ទឹមនឹងនោះ ក៏មានមហាជនជាច្រើនបានចូលរួមអបអរសាទរចំពោះ អាង សុជាតា ដែលទទួលបានកាដូយ៉ាងពិសេសពីអ្នកម្ដាយទីស្រឡាញ់បែបនេះ ៕