អ្នកគាំទ្រលាន់មាត់សរសើរ ណាក់ ស្រីណា មានមុខមាត់ស្អាតគួរឱ្យស្រឡាញ់ តាំងពីក្មេង
កញ្ញា ណាក់ ស្រីណា ដែលតារាសម្ដែងស្រី និងជាពិធីការិនីដ៏មានប្រជាប្រិយភាព ដែលបច្ចុប្បន្នកាន់តែមានជោគជ័យលើវិស័យសិល្បៈ ព្រមទាំងមានរូបសម្រស់កាន់តែស្រស់ស្អាត ក្មេងជាងវ័យទៅទៀត ដែលតែងបង្ហាញសកម្មភាពផ្សេងៗលើបណ្ដាញសង្គមជារឿយៗ ។
ដោយឡែកថ្មីៗនេះ តារាស្រីរូបនេះ បានបញ្ចេញរូបភាពដែលកម្រនឹងបានឃើញ ដែលជារូបភាពកាលពីរូបនាងនៅក្មេង ព្រមទាំងឃើញមានតួរអក្សរសរសេរដោយដៃរបស់នាង កាលពីនៅរៀនយ៉ាងគួរឱ្យចាប់អារម្មណ៍ ។
ក្នុងនោះ កំពុងតែធ្វើឱ្យមហាជន ក៏ដូចជាបណ្ដាអ្នកគាំទ្រជាច្រើនរបស់តារាស្រីរូបនេះ មានការចាប់អារម្មណ៍ និង លាន់មាត់សរសើរគ្រប់គ្នាៗពីរូបសម្រស់របស់នាង កាលពីនៅក្មេងៗ ស្អាតគួរឱ្យស្រឡាញ់ខ្លាំង ព្រមទាំងនាងសរសេរអក្សរបានស្អាតថែមទៀតផង ។
ដោយក្នុងនោះ មហាជន បាននាំគ្នាចូលខមមិន សរសើរពីរូបភាពរបស់តារាស្រីរូបនេះ នៅតូចៗ ដោយអ្នកខ្លះលាន់មាត់សរសើរថា «ស្អាតគួរឱ្យស្រលាញ់តាំងពីតូចអូន» អ្នកខ្លះទៀត «មុខបងស្រី ស្រស់ស្អាតតាំងពីក្មេងតែម្តងបង» ៕
